ᐃᓄᓐᖑᐃᓂᖅ /ᓄᑕᖅᑭᕆᓂᕐᒧᑦ ᐃᓕᓐᓂᐊᑎᑦᑎᒍᑏᑦ

ᑐᕌᖅᑕᑦ ᐱᔨᑦᑎᖅᑕᐅᓂᐊᖅᑐᑦ

ᐊᖏᔪᖅᑳᖏᑦ, ᐃᑦᑐᒃᑯᖏᑦ, ᐱᓯᒪᑦᑎᔨᖏᑦ, ᐸᐃᕆᕕᒻᒥ ᐃᖅᑲᓇᐃᔭᖅᑐᑦ, ᐃᓕᓴᐃᔩᑦ, ᑎᒍᐊᓐᖑᐊᓲᑦ, ᐃᓄᓕᕆᔩᑦ – ᑭᓇᑐᐃᓐᓇᖅ ᑲᒪᖃᑦᑕᖅᑐᖅ ᓱᕈᓯᕐᓂᑦ ᐅᕝᕙᓘᓐᓃᑦ ᐃᑲᔪᖅᑐᐃᒍᒪᑐᐃᓐᓇᖅᑐᖅ ᐊᖏᔪᖅᑳᕆᐅᔭᔪᓂᑦ ᓄᓇᓕᓐᓂᑦ.

ᖃᓄᐃᑦᑑᓂᕆᓯᒪᔭᖏᑦ

ᐃᓄᓐᖑᐃᓂᕐᒧᑦ ᐃᓕᓐᓂᐊᕈᑎᔅᓴᖅ ᑐᕌᖓᔪᖅ ᐊᖏᔪᖅᑳᕆᔭᐅᔪᓄᑦ /ᓄᑕᖅᑭᕆᓂᕐᒧᑦ ᐃᓕᓐᓂᐊᕈᑎᔅᓴᖅ ᐃᓄᓐᓄᑦ ᐃᓱᒪᒋᔭᖏᓐᓂ ᐅᓂᒃᑳᕈᓐᓇᖅᓂᑐᑦ. ᐋᖅᑭᓱᖅᑕᐅᓯᒪᔪᖅ ᖃᐅᔨᓴᐅᑎᐅᑲᐃᓐᓇᖅᑐᓂ ᖃᐅᔨᒋᐊᑎᓄᑦ ᐅᑭᐅᓄᑦ ᑕᓪᓕᒪᓄᑦ ᐃᓐᓇᕐᓂᑦ ᐅᖃᐅᔾᔨᒋᐊᖅᑎᓂᑦ ᑲᑎᒪᔨᖃᖅᑐᑎᑦ. ᒫᓐᓇ ᐅᐸᑐᐃᓐᓇᕈᒪᔪᓄᑦ ᑐᕌᖓᔪᖅ ᓄᓇᕗᒻᒥᐅᑕᕐᓄᑦ ᐊᒻᒪᓗ ᒪᕐᕉᓐᓂᒃ ᐃᓕᓐᓂᐊᕕᔾᔪᐊᕐᓂᑦ. ᐃᓕᓐᓂᐊᕈᑎᔅᓴᖅ ᓄᓇᓕᓐᓂ ᐃᓕᓴᐃᔨᖃᖅᐸᑦᑐᑦ. ᑭᓇᑐᐃᓐᓇᐃᑦ ᑭᒃᑯᓕᒫᓪᓗ ᐱᖃᑕᐅᔪᒪᔪᑦ ᓴᖅᑭᔮᖅᑎᑦᑎᑲᓐᓂᕈᒪᔪᑦ ᐆᒻᒪᓕᖅᑭᑎᑦᑎᑲᓐᓂᕈᒪᔪᑦ ᓴᓐᖏᓂᖏᓐᓂ ᐃᓄᐃᑦ ᓄᑕᖅᑭᕆᔾᔪᓯᖏᓐᓂ ᐃᓕᓐᓂᐊᖃᑕᐅᔪᓐᓇᖅᑐᑦ ᓄᓇᓕᖏᓐᓂ.

ᑖᓐᓇ ᐃᓕᓐᓂᐊᕈᑎᔅᓴᖅ ᒪᓕᑦᑐᖅ ᑐᓐᖓᕕᐅᓪᓗᑎᑦ ᐊᒻᒪᓗ ᑐᑭᓯᒋᐊᒃᑲᓐᓂᕈᒪᔪᓄᑦ ᖃᓪᓗᓈᑎᑐᑦ ᐃᓄᑦᑎᑐᓪᓗ ᖃᐅᔨᒋᐊᕈᓐᓇᖅᑐᑦ ᐅᕗᖓ ᐃᓕᓐᓂᐊᕈᑎᔅᓇᓂᑦ ᑐᑭᓯᒋᐊᕈᑏᑦ ᑕᑕᑎᕆᐊᓖᑦ (needs link)  ᐊᒻᒪᓗ .

ᐊᕐᕌᒎᓐᓄ ᒪᕐᕉᓐᓄᒃ, ᖃᐅᔨᓴᖅᑐᑕ ᓇᐃᑦᑑᓪᓗᑎᑦ ᐊᕐᓇᓂ ᐊᓄᓪᓚᔅᓰᕕᒻᒥ ᐊᒻᒪᓗ ᐅᐊᑦᑎᔭᐅᓐᖏᓂᖅᓴᓂᑦ ᒪᑭᒋᐊᕐᕕᒻᒥ ᑕᐃᓐᓇ ᑲᑎᓐᖓᔪᖅ ᐃᑲᔪᖅᑕᐅᕕᒻᒧ ᐃᓕᓐᓂᐊᑎᑦᑎᖃᑦᑕᖅᓯᒪᔪᒍᑦ. ᑕᒪᓐᓇ ᖃᐅᔨᓴᐅᑎᒋᓪᓗᑎᒍ ᐊᑐᖃᑦᑕᖅᓯᒪᔪᓂᑦ ᐊᖏᔪᖅᑳᖑᓂᕐᒧᑦ ᑐᕌᖓᓪᓗᓂ. ᑮᓇᐅᔭᖃᖅᑎᑕᐅᓯᒪᓪᓗᑕ ᖃᐅᔨᓴᖅᓯᒪᔪᒍᑦ ᓇᐃᑦᑑᓪᓗᒋᑦ ᐃᓕᓐᓂᐊᕈᑏᑦ ᐊᓄᓪᓚᔅᓰᕕᓐᓂ, ᒪᒥᓴᕐᕕᒻᒥ ᐊᒻᒪᓗ ᒪᑭᒋᐊᕐᕕᒻᒥ ᐃᑲᔪᖅᑕᐅᕕᒻᒥ ᐋᑐᕚᒥ, ᑕᐃᑲᓂ 2018-19. ᐊᖏᔪᖅᑳᕆᔭᐅᔪᑦ ᓴᖅᑭᔮᕐᕕᒋᓪᓗᑎᒍ ᐃᓄᓐᖑᐃᓂᕐᒥᑦ ᐃᓕᓐᓂᐊᕈᑎᒥᑦ ᐊᒻᒪᓗ ᐱᖃᑕᐅᓕᕈᓐᓇᕋᔭᖅᑐᑦ ᐅᐊᑦᑎᐊᕈᒃᑲᓐᓂᖅ ᓄᓇᖓᓐᓃᓕᖅᑲᑕ.

ᐅᓪᓗᒥᒧᑦ, 250-ᓂᑦ ᐃᓄᓐᓂᑦ ᐃᓕᓐᓂᐊᑎᑦᑎᓯᒪᓕᖅᑐᒍᑦ ᐃᓕᓴᐃᔨᔅᓴᓂᑦ 100−ᖏᓐᓃᑦᑐᓂᓪᓗ ᐊᖏᔪᖅᑳᕆᔭᐅᔪᓂᑦ ᐃᓕᓐᓂᐊᖅᓯᒪᔪᖃᓕᖅᑐᓂ.

ᐃᓕᓐᓂᐊᑎᑦᑎᓂᖅ

ᐃᓕᓐᓂᐊᕈᑎᔅᓴᐃᑦ ᐃᑲᕐᕋᓄᑦ 35-ᓄᑦ/ᐅᓪᓗᓄᑦ ᑕᓪᓕᒪᓄᑦ ᐊᒻᒪᓗ ᒪᕐᕉᓐᓂᒃ ᐃᓕᓐᓂᐊᑎᑦᑎᓪᓗᑕ ᐃᓕᓴᐃᔨᔅᓵᓐᓂᒃ ᐊᒻᒪᓗ ᐊᑕᐅᓯᕐᒥᑦ ᐃᓐᓇᕐᒥᑦ ᐃᓕᓴᐃᔨᔅᓴᒥᑦ. ᑖᓐᓇ 19−ᓄᑦ ᐃᓕᓐᓂᐊᖅᓯᒪᓪᓗᑎᑦ ᐊᑯᓂ ᐃᓕᓴᐃᔩᑦ, ᓄᓇᓕᓐᓂᑦ ᐱᓇᓱᐊᕈᓯᖅᑕᒫᓪᓗ ᐅᐸᑐᐃᓐᓇᕈᒪᔪᓄᑦ ᐅᐸᑦᑐᖃᕈᓐᓇᖅᑐᓂ ᐱᓇᓱᐊᕈᓯᕐᓄᑦ 19−ᓅᖓᓪᓗᓂ ᐅᕝᕙᓘᓐᓅᑦ ᒪᕐᕈᐊᖅ ᐱᓇᓱᐊᕈᓯᖅᑕᒪᑦ ᖁᓕᓄᑦ ᐱᓇᓱᐊᕈᓯᕐᓄᑦ ᑕᐃᒪᐃᒍᓐᓇᕆᓪᓗᑎᑦ. ᐃᓕᓐᓂᐊᕈᑎᔅᓴᖅ ᐃᓕᓐᓂᐊᑎᑦᑎᒍᑕᐅᓪᓗᓂ ᒪᕐᕉᓐᓄᒃ ᐊᒻᒪᓗ ᐃᓕᖅᑯᓯᖏᓐᓂ ᐃᓕᓐᓂᐊᑎᑦᑎᖃᑦᑕᖅᑐᑎᑦ.

ᐃᓱᐊᓂ ᑕᓪᓗᒪᑦ ᐃᓪᓗᐃᑦ ᐃᓕᓐᓂᐊᓚᐅᖅᑎᓪᓗᒋᑦ, ᓄᑖᓂᑦ ᐃᓕᓴᐃᔨᖃᓕᕐᓗᑎᑦ ᐃᒪᐃᑦᑑᒍᓐᓇᕋᔭᖅᑐᑦ:

  • ᐸᐃᑉᐹᖅᑖᕐᓗᑎᑦ ᐃᓄᓐᖑᐃᓂᕐᒥ ᐃᓕᓐᓂᐊᕈᑎᓂᑦ ᓄᓇᓕᖏᓐᓂ ᐅᕝᕙᓘᓐᓃᑦ ᐃᓕᓐᓂᐊᕐᓗᑎᑦ ᐊᒻᒪᓗ ᑐᔅᓯᕋᕐᓗᑎᑦ ᐊᑐᐃᓐᓇᕐᓂᑦ ᐃᖅᑲᓇᐃᔭᕐᕕᓐᓂᑦ.
  • ᑐᑭᓯᐅᒪᑎᑦᑎᑲᓐᓂᕐᓗᑎᑦ ᐃᓄᓐᖑᐃᓂᕐᒥᑦ ᐃᓱᒪᒋᔭᕆᐊᓕᓐᓂ ᒪᓕᒐᖏᓐᓂᓪᓗ
  • ᑐᑭᓯᐅᒪᑎᑦᑎᑲᓐᓂᕐᓗᑎᑦ ᐃᓄᐃᑦ ᐃᓚᒌᓐᓂᖏᓐᓂ, ᐊᑦᑏᓂᕐᒥᑦ, ᐊᒻᒪᓗ ᐊᑦᑐᐊᓂᖏᓐᓂ
  • ᐃᓕᒃᑲᓂᕐᓗᑎᑦ ᐃᓐᖏᐅᓯᕐᓂᑦ ᐅᓂᒃᑳᖅᑐᐊᕐᓂᑦ ᓯᕗᓕᕐᓂᖏᓐᓃᓐᖔᖅᑐᓂᑦ, ᐊᑐᖅᑕᐅᕙᑦᑐᓂᑦ ᐃᓄᓐᖑᐃᓂᕐᒥ ᓱᕈᓯᕐᓂᑦ ᐊᖏᔪᖅᑳᕆᔭᕐᓂᓪᓗ
  • ᐃᓕᒃᑲᓂᕐᓗᑎᑦ ᑎᑎᕋᕐᓂᕐᒥᑦ ᖃᕋᓴᐅᔭᒃᑯᓪᓗ ᐊᑐᐃᓐᓇᕐᓂᑦ ᒫᓐᓇᐅᔪᖅ ᐊᑐᐃᓐᓇᐅᓪᓗᑎᑦ ᐊᒻᒪᓗ ᐊᑐᖅᑕᐅᔪᓐᓇᖅᑐᑎᖅ ᐃᓄᓐᖑᐃᓂᕐᒥᑦ ᐃᓚᒌᓐᓂᑦ
  • ᑕᕝᕙᓴᐃᓐᓇᖅ ᑕᑯᓐᓇᕐᓗᑎᑦ ᐃᓕᓐᓂᐊᕐᓗᑎᑦ ᐱᓕᕆᑎᑕᐅᓗᑎᑦ ᐊᖏᔪᖅᑳᕆᔭᐅᔪᑦ ᐃᓕᓐᓂᐊᕐᓂᖏᓐᓂ (ᐊᑐᕐᓗᑎᑦ ᐃᓕᓐᓂᐊᕐᓂᖏᓐᓂ) ᐊᒻᒪᓗ ᐱᓕᓯᒪᓴᕐᓗᑎᑦ ᐃᓕᓴᐃᔨᓐᖑᓂᕐᒥᑦ ᐃᓕᓐᓂᐊᕐᓂᖏᓐᓂ.
  • ᑐᑭᓯᐅᒪᑎᑦᑎᑲᓐᓂᕐᓗᓂ ᐱᒻᒪᕆᐅᓂᖏᓐᓂ ᓂᕿᓂᑦ ᑲᔾᔨᖃᑦᑕᓂᕐᒥᑦ ᓂᕿᑐᐃᓐᓇᓂᓪᓗ, ᐊᒻᒪᓗ ᓂᖅᑎᐅᕈᓐᓇᖅᑎᑕᐅᓗᑎᑦ ᑲᑐᔾᔨᒍᓐᓇᕐᓗᑎᓪᓗ ᓂᕆᖃᑎᒌᓗᑎᓪᓗ ᐃᓕᓐᓂᐊᕐᓂᖏᓐᓂ ᑭᖑᓪᓕᖅᐹᖓᓐᓂ ᐃᓕᓐᓂᐊᖅᑕᖓᑦᑕ.

ᐊᑭᖏᑦ

  • ᖃᐅᔨᒋᐊᕈᓐᓇᖅᑐᓯ ᐊᑭᔅᓴᕆᒐᔭᖅᑕᖏᓐᓂ!
[/vc_row]