ᖃᐅᔨᓴᕐᓂᖅ ᕿᒥᕐᕈᓂᕐᓗ

ᖃᐅᔨᓴᕐᓂᖅ ᐊᒻᒪᓗ ᖃᐅᔨᒪᔭᐅᔪᓂᒃ ᑲᑐᔾᔨᓂᖅ – ᓯᕗᓪᓕᖅᐸᐅᑎᔭᕆᐊᓖᑦ ᑕᑯᓐᓇᖅᑕᐅᓗᐊᓐᖑᐊᖅᑐᑦ ᐅᑯᓇᓂ ᖃᐅᔨᒋᐊᖅᑏᑦ ᐋᓐᓂᐊᖅᑕᐃᓕᒪᔪᓕᕆᓂᕐᒧᑦ ᖃᔨᐅᓴᖅᑏᑦ ᖃᐅᔨᓴᕐᓂᕐᒧᑦ. ᑕᑯᓐᓇᖅᑐᒍᑦ ᐱᕙᓪᓕᐊᒍᒪᓪᓗᑕ, ᐆᑦᑑᑎᒋᓗᑎᒍ ᖃᐅᔨᓴᕐᓗᑎᒍᓪᓗ ᓄᖅᑲᖓᑎᑦᑎᔾᔪᑎᔅᓴᐃᑦ ᐃᓱᒪᓕᕆᓂᕐᒨᖓᔪᓂᑦ ᐃᓅᓇᓱᐊᑦᑎᐊᕐᓂᖏᓐᓂᓪᓗ ᐃᓅᓱᑦᑐᐃᑦ ᐃᓚᒌᓪᓗ, ᐊᒻᒪᓗ ᐃᓕᓐᓂᐊᕕᒻᒥ ᓄᖅᑲᖓᑎᑦᑎᑲᓐᓂᕋᓱᐊᕐᓂᕐᒧᑦ ᓴᖅᑭᔮᖅᑎᑦᑎᑲᓐᓂᕐᓗᑕ ᓂᕿᑦᑎᐊᕙᓐᓂᑦ, ᑎᒥᒃᑯᑦ ᓂᒪᖃᑦᑕᓂᕐᒥᑦ ᐱᐅᔪᓂᓪᓗ ᓄᓇᓕᓐᓂ ᐱᓕᕆᖃᑎᖃᕐᓗᑕ.

ᑕᒪᒃᑯᐊᓕᒫᑦ ᓄᖅᑲᖓᑎᑦᑎᔾᔪᑎᒋᓇᓱᐊᖅᑕᕗᑦ ᐋᖅᑭᓱᖅᑕᐅᓯᒪᔪᑦ ᐃᓄᐃᑦ ᓯᓚᕐᔪᐊᒥ ᑕᑯᓐᓇᓐᖑᐊᕐᓂᖏᓐᓂ ᐱᖃᓯᐅᔾᔨᓪᓗᑕ ᐃᓄᐃᑦ ᖃᐅᔨᒪᔭᑐᖃᖏᓐᓂ ᐊᒻᒪᓗ ᐃᓱᒪᒋᔭᐅᔪᓂᑦ ᐋᓐᓂᐊᖅᑕᐃᓕᒪᔪᓕᕆᔨᒃᑯᓐᓂ ᐃᓅᓇᓱᐊᑦᑎᐊᕐᓂᒧᓪᓗ. ᖃᐅᔨᓴᖅᑐᑕ ᓄᓇᕗᒻᒥ ᓇᓗᓇᐃᖅᑕᐅᓯᒪᓪᓗᑎᑦ ᓄᓇᓕᓐᓂᑦ ᖃᔨᐅᓴᖅᑕᐅᖁᔭᐅᕗᑦ ᓄᓇᕗᒻᒥᓪᓗ ᑲᑐᔾᔨᖃᑎᒌᓐᓄᑦ, ᐱᖃᓯᐅᑎᓪᓗᒋᑦ ᐅᓱᖃᕐᓇᑎᓪᓗ ᐃᓱᒪᓕᕆᓂᕐᒥᑦ; ᐃᒻᒥᓃᕐᓂᕐᒥᑦ; ᑯᔭᓐᓂᓕᕆᓂᖅ ᐊᐃᑉᐸᖃᑦᑎᐊᕐᓂᕐᓗ; ᐋᓐᓂᕈᑕᐅᖃᑦᑕᖅᓯᒪᔪᓂᑦ; ᐊᑦᑐᐊᓂᖏᓐᓂ; ᓂᕿᔅᓴᖃᑦᑎᐊᕐᓂᖅ; ᐊᓈᓇᐃᑦ ᖃᓄᐃᑦᑕᐅᓕᒪᖁᓇᒋᑦ ᐊᒻᒪᓗ ᓄᑕᕋᐃᑦ ᐃᓅᒍᓐᓃᖃᑦᑕᖅᑐᑦ; ᐊᖏᕐᕋᑦᑎᐊᕙᐃᑦ ᐊᒻᒪᓗ ᐊᐃᑦᑐᕐᓗᒍᑕᐅᕙᑦᑐᑦ; ᐃᓄᐃᑦ ᐃᓱᒪᒋᔭᖏᑦ ᐋᓐᓂᐊᖅᑕᐃᓕᒪᔪᓕᕆᓂᕐᒧᑦ, ᖃᐅᔨᒪᓂᐅᔪᑦ ᐃᓕᓐᓂᐊᑎᑦᑎᒍᑕᐅᓗᑎᑦ, ᐊᒻᒪᓗ ᑲᑐᔾᔨᖃᑦᑕᕈᓐᓇᕐᓗᑎᑦ ᐋᓐᓂᐊᖅᑕᐃᓕᒪᓂᕐᒧᑦ ᐃᓱᒪᓕᐅᕐᓂᒥᑦ; ᐃᓄᐃᑦ ᖃᐅᔨᒪᓂᖏᑦ ᐃᓱᒪᖅᓴᖅᓯᐅᖃᑦᑕᕐᓂᖏᑦ ᐊᒻᒪᓗ ᐊᑐᖅᑕᐅᔪᓐᓇᕐᓂᖏᑦ ᐋᓐᓂᐊᖅᑕᐃᓕᒪᔪᓕᕆᓂᕐᒧᑦ ᖃᔨᐅᓴᕐᓂᒥᑦ. ᑕᑯᓐᓇᓗᐊᓐᖑᐊᖅᑐᒍᑦ ᓴᓇᓐᖑᐊᕐᓂᕐᒥᑦ ᐃᓕᖅᑯᓯᐅᒍᓐᓇᖅᑐᓂᑦ ᐱᓕᕆᓂᖏᓐᓂ ᐃᓅᓱᑦᑐᐃᑦ ᐊᒻᒪᓗ ᐊᔾᔨᐅᓐᖏᑦᑐᓂᑦ ᐋᓐᓂᐊᖅᑕᐃᓕᒪᔪᓕᕆᓂᕐᒧᑦ ᖃᐅᔨᓴᕐᓂᕐᒥᑦ ᑲᓇᑕᒥ ᐊᒻᒪᓗ ᑕᒪᑐᒪᓂ.

ᐱᓕᕆᐊᕗᑦ ᐅᖃᓕᒫᒐᕈᖅᑎᑕᐅᓯᒪᓪᓗᑎᑦ ᐱᓕᕆᖃᑎᑦᑎᓐᓄᑦ ᑲᓇᑕᒥᓗ ᓯᓚᕐᔪᐊᒥᓗ ᑲᑎᒪᓂᐅᓯᒪᔪᓂᑦ. ᖃᐅᔨᓴᖅᓯᒪᓪᓗᑕ ᖃᐅᔨᓴᕐᓃᑦ ᓯᕗᒃᑲᖅᑕᐃᓪᓗᑎᑦ ᐅᑭᐅᑕᖅᑐᒥ ᑕᒪᑐᒥᖓ. ᐱᓗᐊᖅᑐᒥᑦ, ᓄᓇᕗᒻᒥᐅᑕᐅᒐᑦᑕ, ᑐᑭᓯᒋᐊᕈᑏᑦ ᓄᐊᑕᐅᓪᓗᑎᑦ ᓄᓇᕗᒻᒦᖏᓐᓇᖅᑐᑎᑦ, ᓄᓇᓕᓐᓄᓪᓗ ᐱᒋᔭᐅᓪᓗᑎᑦ ᐃᓱᒪᖅᓲᑕᐅᓪᓗᑎᓪᓗ.