ᑖᓐᓇ ᐱᓕᕆᐊᖅ ᐱᕚᓪᓕᑎᑦᑎᑲᓐᓂᕐᓂᐊᖅᑐᖅ ᖃᐅᔨᒪᔭᐅᑦᑎᐊᖅᑐᓂᑦ, ᐱᑕᖃᖅᐸᒌᖅᑐᓂᑦ ᓄᓇᓕᑦᑎᓐᓂ ᐊᒻᒪ ᓴᖅᑭᔮᖅᑎᓪᓗᒋᑦ ᐊᖅᑯᑎᐅᔪᑦ ᖃᓄᐃᖖᒋᑦᑎᐊᓂᕐᒧᑦ ᖃᐅᔨᒪᔭᕗᑦ ᐱᓕᒻᒪᒃᓴᖃᑦᑕᖅᓯᒪᕙᒌᖅᑕᕗᑦ, ᐱᖃᓯᐅᑎᓪᓗᒋᑦ ᓄᓇᒥ-ᐃᓕᓐᓂᐊᖅᐸᓪᓕᐊᓂᕐᒥᒃ ᐱᓕᕆᐊᓕᐅᕐᓂᖅ, ᑕᑯᔅᓴᐅᓂᖓ ᐊᒻᒪᓗ ᑕᑯᕋᓐᓈᑎᑦᑎᓂᐅᔪᓄᑦ, ᐃᓄᐃᑦ ᖃᐅᔨᓴᐅᓯᖕᒋᓐᓂᑦ, ᓄᓇᓕᓂ ᐅᑉᐱᕆᔭᐅᔪᑦ ᐃᑲᔫᑎᓖᑦ, ᐊᒻᒪ ᓄᓇᕐᔪᐊᓕᒫᕐᒥ ᐱᓕᕆᖃᑎᖃᓂᕐᒥᑦ ᐅᑭᐅᑕᖅᑐᒥᐅᑕᓂᑦ.
ᐅᑯᓂᖕᒐ NEIHR ᐱᓕᕆᐊᔅᓴᖃᕐᓗᑎᒃ ᑲᔪᓯᓛᕐᓂᐊᕐᓯᒪᔪᑦ, ᑲᔪᓯᑦᑎᐊᕈᒫᖅᑐᑦ:
- ᐱᕙᓪᓕᐊᑲᓐᓂᕐᓗᑎᑦ ᖃᐃᔨᓵᖕᒍᕙᒌᖅᓯᒪᔪᓂᑦ ᐱᓕᒻᒪᔅᓴᖅᐸᒌᖅᓯᒪᔭᖕᒋᓐᓂᑦ ᓄᓇᕗᒻᒥ ᑎᓴᒪᐃᑦ ᐃᓄᓐᓄᑦ ᐊᐅᓚᑕᐅᔪᑦ ᐋᓐᓂᐊᖅᑐᓕᕆᓂᕐᒧᑦ ᐊᒻᒪᓗ ᖃᓄᐃᖏᑦᑎᐊᕐᓂᕐᒧᑦ ᑲᑐᔾᔨᖃᑎᒌᑦ ᓯᕗᓕᖅᑎᐅᔪᑦ ᖃᐅᔨᓴᓂᕐᒥᑦ ᐃᖅᑲᓇᐃᔮᖏᓐᓂ ᓴᖅᑭᑎᑦᑎᓗᑎ ᑕᕝᕙᓂᔅᓴᐃᓈᖏᑦᑐᓂᑦ, ᐱᖃᓯᐅᔾᔨᔪᓂᑦ ᐃᓕᓐᓂᐊᓂᕐᒥᑦ ᐊᒻᒪ ᐃᓕᓐᓂᐊᑎᑦᑎᓂᕐᒧᑦ ᐃᓄᓐᓄᑦ ᐃᓕᓐᓂᐊᖅᑎᓄᑦ ᐊᒻᒪ ᐃᖅᑲᓇᐃᔮᖃᖅᐸᓪᓕᐊᓂᕐᒧᑦ ᖃᐅᔨᓴᖅᑏᑦ;
- ᐃᑲᔪᖅᑐᐃᓗᓂ ᓄᓇᓕᓐᓂ ᐊᐅᓚᑕᐅᔪᑦ ᐋᓐᓂᐊᖅᑐᓕᕆᓂᕐᒧᑦ ᖃᐅᔨᓴᕐᓂᕐᒥᑦ ᑲᒪᒋᔭᖃᖅᑐᓂᑦ ᓯᕗᓪᓕᐅᔾᔭᐅᔭᕆᐊᓖᑦ ᐊᒻᒪ ᐱᒻᒪᕆᐅᔪᑦ ᐃᓄᓐᓄᑦ ᓄᓇᓕᑦᑎᓐᓂᑦ;
- ᓴᖅᑭᑎᑦᑎᓗᓂ ᐃᑲᔪᖅᑐᐃᓂᐊᖅᑐᒥ ᐃᓄᓐᓂᑦ ᓄᓇᓕᓐᓂ ᑐᑭᒧᐊᑦᑎᑦᑎᔨᐅᓂᕐᒧᑦ ᖃᐅᔨᓵᖕᒍᔪᓂᑦ ᐱᓕᕆᐊᖕᒍᕙᒌᖅᑐᓂᑦ ᐊᒻᒪ ᐱᕚᓪᓕᑲᓐᓂᖁᓪᓗᒋᑦ ᖃᐅᔨᓴᓂᕐᒧᑦ ᐱᖁᑎᕐᔪᐊᑦ ᐊᒻᒪ ᑐᖖᒐᕕᖏᑦ;
- ᖁᕝᕙᕆᐊᕐᓗᒋᑦ ᐅᔾᔨᕈᓱᑎᑦᑎᓂᕐᒥᑦ, ᐱᔪᓐᓴᕐᓂᖏᑦ, ᐊᒻᒪ ᐊᑦᑐᐊᓂᖃᕐᓂᖏᑦ ᐃᓄᓐᓄᑦ ᐋᓐᓂᐊᖅᑐᓕᕆᓂᕐᒧᑦ ᖃᐅᔨᓴᓂᕐᒧᑦ ᐱᐅᓯᑎᑦᑎᒋᐊᖅᑐᓂᑦ ᓄᓇᓕᑦᑎᓐᓂ ᐊᑕᖏᖅᑐᒋᑦ ᐋᓐᓂᐊᖅᑐᓕᕆᓂᕐᒧᑦ ᖃᐅᔨᓴᕐᕖᑦ ᑲᓇᑕᒥ ᐊᒻᒪ ᓯᓚᕐᔪᐊᒥᑦ ᐅᑭᐅᑕᖅᑐᖓᓂᑦ;
- ᑐᑭᓯᐅᒪᔭᐅᑦᑎᐊᓕᖁᔭᕗᑦ ᐃᓄᐃᑦ ᐋᓐᓂᐊᖅᑐᓕᕆᓂᕐᒧᑦ ᖃᐅᔨᓴᓂᕐᒧᑦ ᐊᑐᖅᑕᐅᖃᑦᑕᖅᑐᑦ ᐃᓄᓐᓄᑦ ᓈᒻᒪᒋᔭᐅᔪᓂᑦ ᐊᒻᒪ ᐊᑦᑐᐃᓂᖃᑦᑎᐊᖅᑐᓂᑦ ᐱᓕᕆᖃᑎᑦᑎᓐᓂ ᓄᓇᓕᑦᑎᓐᓂ ᐊᒻᒪ ᐋᓐᓂᐊᖅᑐᓕᕆᓂᕐᒧᑦ ᖃᐅᔨᓴᖅᑏᑦ, ᐃᓕᓐᓂᐊᑎᑦᑎᔨᑦ, ᓯᓚᑦᑐᓴᕐᕕᕐᔪᐊᕐᒥ ᐃᓕᓐᓂᐊᑎᑦᑎᔩᑦ ᐊᒻᒪ ᐃᓕᓐᓂᐊᑎᑦᑎᔪᑦ, ᖃᐅᔨᓴᓂᕐᒧᑦ ᐊᐅᓚᑦᑎᔩᑦ, ᐊᑐᐊᒐᕐᓂᑦ ᐊᒻᒪ ᐃᓱᒪᓕᐅᖅᑏᑦ, ᐊᒻᒪ ᐊᓯᖏᑦ ᑎᒥᐅᔪᑦ ᐱᔪᒪᓂᖃᖅᑐᑦ ᐃᓄᐃᑦ ᐋᓐᓂᐊᖅᑐᓕᕆᓂᕐᒧᑦ ᖃᐅᔨᓴᓂᕐᒧᑦ;
- ᑕᑯᔅᓴᐅᑎᑦᑎᓗᓂ ᑐᑭᒧᐊᑦᑎᑦᑎᑎᐊᕐᓗᑎᒃ ᖃᐅᔨᓴᓂᕐᒥᑦ ᐊᒻᒪ ᓯᐊᒻᒪᖅᑕᐅᓂᖓᓄ ᐋᓐᓂᐊᖅᑐᓕᕆᓂᕐᒧᑦ ᖃᐅᔨᓴᓂᕐᒧᑦ ᑲᓇᑕᒥ;
- ᓴᖅᑭᑎᑦᑎᓗᑎᑦ ᑐᖖᒐᕕᐅᔪᒥᒃ ᓯᕗᓂᔅᓴᑎᓐᓄᑦ ᖃᐅᔨᓴᖅᑎᐅᓛᕈᒪᔪᓄᑦ ᓄᓇᕗᒻᒥ (ᐊᒻᒪ ᐃᓄᐃᑦ ᓄᓇᖓᑦ, ᐃᒻᒪᖃ, NEIHR ᑲᔪᓯᑦᑎᐊᑲᓐᓂᓛᖁᓪᓗᒍ ᓯᕗᓂᔅᓴᑎᓐᓂ)
The NEIHR is a collective of 4 hub sites,
ᐋᖅᑭᐅᒪᕕᒃ ᑎᒥᖓᑦ
ᐊᕐᕕᐊᑦ, ᓄᓇᕗᑦ
ᐋᖅᑭᐅᒪᕕᒃ ᐃᓚᐅᖃᑕᐅᓯᒪᔪᑦ ᐊᒻᒪ ᑐᑭᒧᐊᖅᑎᑎᓪᓗᑎ ᐊᒥᓱᒐᓚᓐᓂᑦ ᖃᐅᔨᓴᓂᕐᒧᑦ ᐱᓕᕆᔭᐅᔪᓂᑦ ᐊᕐᕕᐊᓂᑦ ᐊᕐᕌᒍᓂᑦ ᑕᓪᓕᒪᐅᓕᖅᑐᓂᑦ ᐱᖃᓯᐅᑎᓪᓗᑎ ᓱᕈᕐᓇᖅᑐᓂᑦ ᖃᐅᔨᓴᓂᕐᒧᑦ, ᓯᓚᐅᑉ ᐊᓯᔾᔨᕐᓂᖓᓄᑦ ᖃᐅᔨᓴᕐᓂᖅ, ᖃᓄᐃᓐᓂᕆᔭᖏᑦ ᓄᓇᒦᓐᓂᕐᒧᑦ ᐱᓕᕆᐊᑦ, ᐃᓄᖖᒍᐃᓂᐅᓪᓗ ᒥᓵᓄ. ᐋᖅᑭᐅᒪᕕᒃ ᑲᑎᖃᑎᖃᒐᔪᑦᑐᑦ ᐃᓐᓇᑐᖃᐃᑦ ᑲᑎᒪᔨᕋᓛᖏᓐᓂᑦ ᕿᒥᕐᕈᓪᓗᑎ ᐃᓄᓐᓄᑦ ᐊᑐᖅᑕᐅᖃᑦᑕᖅᑐᓂᑦ, ᐃᓱᒪᒋᔭᐅᔪᓂᑦ ᐊᒻᒪ ᖃᐅᔨᓴᓂᕐᒧᑦ ᐊᑐᖅᑕᐅᕙᑦᑐᑦ.
ᖃᒡᒋᐊᕘᑦ ᑎᒥᖓᑦ ᑕᑯᕋᓐᓈᑎᑦᑎᓂᕐᒧᑦ
ᑲᖏᖅᑐᒑᐱᒃ, ᓄᓇᕗᑦ
ᖃᒡᒋᐊᕘᒃᑯᑦ ᖃᐅᔨᒪᔭᐅᑦᑎᐊᖅᑐᖅ ᓴᖅᑭᑎᑦᑎᓂᕐᒧᑦ ᐃᓄᓐᓂᑦ ᑕᑯᕋᓐᓈᖅᑎᑦᑎᕙᑦᑐᓂᑦ ᑲᓇᑕᒧᑦ ᑕᑯᔅᓴᐅᑎᑦᑎᕙᑦᑐᑦ. ᖃᒡᒋᐊᕘᑦ ᐃᖅᑲᓇᐃᔭᖃᑎᖃᖅᓯᒪᔪᑦ ᐱᓕᕆᖃᑕᐅᔪᓂᑦ ᓄᓇᕗᒻᒥ 7-ᓂᑦ ᐊᕐᕌᒍᓂᑦ ᓴᖅᑭᑎᑦᑎᓗᑎ ᐊᒻᒪ ᐊᑐᓕᖅᑎᑕᐅᓗᓂ ᐃᓕᓐᓂᐊᕕᒻᒥ ᖃᓄᐃᓐᒋᑕᐃᓕᒪᓂᕐᒧᑦ ᐋᓐᓂᐊᒻᖅᑐᓕᕆᓂᕐᒧᑦ ᐊᒻᒪ ᖃᓄᐃᖏᑎᐊᓂᕐᒧᑦ ᐃᑲᔫᑎᐅᔪᓐᓇᖅᑐᓂᒃ ᑐᓐᖓᓂᖃᖅᑎᑕᐅᔪᑦ ᑕᑯᕋᓐᓈᑎᑦᑎᖃᑦᑕᓂᒥᑦ. ᖃᒡᒋᐊᕘᒃᑯᑦ ᐱᓕᕆᖃᑎᖃᖅᑐᑎᑦ ᖃᐅᔨᓴᓂᕐᒧᑦ ᐱᓕᕆᐊᕆᔭᖏᑦ ᕿᒥᕐᕈᓯᒪᔪᑦ ᐃᓅᖃᑎᒌᓐᓂᕐᒥᑦ, ᓂᐊᖁᓕᕆᓂᕐᒥᑦ ᐊᒻᒪ ᐃᑉᐱᓐᓂᐊᔭᐅᔪᓂᑦ ᐋᓐᓂᐊᖅᑐᓕᕆᓂᕐᒥᑦ ᑕᑯᕋᓐᓈᑎᑦᑎᓂᐅᔪᓄᑦ ᑐᓐᖓᕕᖃᖅᑐᑦ, ᐃᓕᓐᓂᐊᕕᓐᓂ ᐃᑲᔫᑎᐅᔪᓐᓇᖅᑐᓂᒃ.
ᐃᓕᓴᖅᓯᕕᒃ ᑎᒥᖓᑦ ᐊᒻᒪ ᐃᑦᑕᖅ ᖃᐅᔨᓴᕐᕕᒃ
ᐃᖃᓗᐃᑦ, ᓄᓇᕗᑦ
ᐊᕐᕌᒍᓂᑦ ᐊᕙᑎᐅᓗᐊᓕᖅᑐᓂᑦ, ᐃᓕᓴᖅᓯᕕᒃ ᑕᑯᔅᓴᐅᑎᑦᑎᖃᑦᑕᖅᓯᒪᔪᖅ ᓯᕗᓕᖅᑎᐅᓂᕐᒧᑦ ᐱᕙᓪᓕᐊᑎᑦᑎᓂᕐᒧᑦ ᓄᓇᕗᒻᒥ ᐃᓄᓐᓂᑦ ᐃᑲᔪᖅᑎᐅᓂᕐᒧᑦ ᐃᓕᓐᓂᐊᓂᕐᒧᑦ ᐱᓕᕆᐊᑐᐊᑦ, ᐊᒻᒪ ᓴᖅᑭᑎᑦᑎᓯᒪᔪᑦ ᐊᒻᒪ ᐊᑐᓕᖅᑎᑦᑎᓯᒪᓪᓗᑎ ᓄᓇᒦᖃᑦᑕᓂᕐᒧᑦ ᐱᓕᕆᐊᓂᑦ ᑐᕌᒐᖃᖅᑐᑎᑦ ᐃᑲᔪᖅᑐᐃᓂᕐᒥᑦᐃᓱᒪᒋᔭᐅᔪᒃᑯᑦ ᐊᒻᒪ ᑕᕐᓂᒃᑯᑦ ᐋᓐᓂᐊᖅᑐᓕᕆᓂᖅ ᓄᓇᕗᒻᒥᐅᓄᑦ ᐊᑐᖅᓯᒪᔪᓄᑦ ᖁᐊᖅᓵᓇᖅᑐᓂᑦ. ᐊᕐᕌᒍᓂᑦ 15−ᖑᓗᐊᓕᖅᑐᓂᑦ, ᐃᑦᑕᖅ ᐱᓕᕆᐊᖃᓗᐊᖅᓯᒪᔪᑦ ᐃᓄᓐᓄᑦ ᑐᑭᒧᐊᖅᑎᑕᐅᔪᑦ ᐱᖅᑯᓯᑐᖃᕐᓄᑦ ᐱᓕᕆᐊᑦ, ᖃᐅᔨᓴᕐᓂᖅ ᐊᒻᒪ ᖃᕋᓴᐅᔭᒃᑰᕈᓐᓇᖅᑐᓂᑦ ᓴᖅᑭᑎᑦᑎᓂᕐᒥᑦ. ᐃᑲᔪᖅᑐᐃᓂᖅ ᐃᓄᐃᑦ ᖃᐅᔨᒪᔭᖏᓐᓂ, ᐅᖃᐅᓯᖓᓂᑦ, ᖃᓄᐃᓘᕈᓘᔭᕈᓐᓇᕐᓂᖏᓐᓄᑦ, ᐊᒻᒪ ᖃᓄᑐᐃᓐᓇᖅ ᐋᖅᑭᔅᓯᔪᓐᓇᓂᕐᒧᑦ, ᐊᒻᒪ ᐃᒻᒥᓂ ᑲᔪᖏᖅᓯᒪᓂᕐᒧᑦ ᖃᐅᔨᓴᓂᕐᒥᑦ, ᐃᓗᓕᓪᓗᐊᑕᖏᑦ ᐃᑦᑕᖅ ᐱᓕᕆᔭᐅᔪᓂᑦ.
ᖃᐅᔨᒋᐊᕐᑏ ᐋᓐᓂᐊᖅᑐᓕᕆᓂᕐᒧᑦ ᖃᐅᔨᓴᕐᕕᒃ
ᐃᖃᓗᐃᑦ, ᓄᓇᕗᑦ
ᖃᐅᔨᒋᐊᕐᑏ ᐱᕈᓚᐅᖅᑐᖅ ᓄᓇᓕᒻᒧᑦ ᓇᓗᓇᐃᖅᑕᐅᓯᒪᔪᓂᑦ ᐱᔭᐅᔭᕆᐊᓕᓐᓂᑦ ᖃᐅᔨᓴᓂᕐᒥᑦ ᐱᔾᔪᑎᖃᓗᐊᓚᐅᖅᑐᑦ ᑭᐅᔭᐅᓗᑎ ᐋᓐᓂᐊᖅᑐᓕᕆᓂᕐᒧᑦ ᐊᐱᖅᑯᑎᐅᔪᑦ ᓄᓇᓕᑦᑎᓐᓄᑦ. ᖃᐅᔨᒋᐊᕐᕕᒻᒥ ᖃᐅᔨᓴᖅᑏᑦ ᐊᒻᒪ ᐱᓕᕆᖃᑎᖏᑦ ᑐᑭᒧᐊᖅᑎᑦᑎᓯᒪᔪᑦ ᐅᕝᕙᓘᓐᓃᑦ ᐱᓕᕆᖃᑎᖃᖅᓯᒪᔪᑦ ᐅᖓᑖᓃᓗᐊᖅᑐᓂᑦ 50 ᐋᓐᓂᐊᖅᑐᓕᕆᓂᕐᒧᑦ ᐊᒻᒪ ᖃᓄᐃᖏᑎᐊᕐᒧᑦ ᖃᐅᔨᓴᕐᓂᐅᔪᓂᑦ 14-ᓂ ᐊᕐᕌᒎᓕᖅᑐᓂᑦ ᖃᐅᔨᒋᐊᕐᑏ ᐃᓕᓴᕆᔭᐅᓯᒪᔪᖅ ᑲᓇᑕᒥ ᐊᒻᒪ ᓯᓚᕐᔪᐊᒥ ᑐᓂᓯᓯᒪᓂᖏᓐᓄᑦ ᐃᓄᓐᓂᑦ ᐋᓐᓂᐊᖅᑐᓕᕆᓂᕐᒧᑦ ᐃᓕᓐᓂᐊᓂᕐᒧᑦ ᑮᓇᐅᔭᖃᖅᑎᑦᑎᓂᕐᒧᑦ ᐊᒻᒪ ᓄᓇᓕᒻᒧᑦ ᐊᐅᓚᑕᐅᔪᒥ ᐃᓚᐅᖃᑕᐅᓂᕐᒧᑦ ᖃᐅᔨᓴᕐᓂᒧᑦ ᐊᑐᖅᑕᐅᒋᐊᓕᓐᓂᑦ. ᖃᐅᔨᒋᐊᕐᑏ ᑎᑭᑎᑦᑎᓯᒪᔪᑦ ᐅᖓᑖᓃᑦᑐᓂ $22 ᒥᓕᐊᓐ ᖃᐅᔨᓴᓂᕐᒧᑦ ᐊᒻᒪ ᐃᓕᓐᓂᐊᑎᑦᑎᓂᕐᒧᑦ ᑮᓇᐅᔭᖃᖅᑎᑦᑎᓂᕐᒧᑦ ᓄᓇᕗᒻᒧᑦ ᓴᖅᑭᖅᑎᑕᐅᔪᒻᒪᓂᑦ 2006−ᒥᑦ.
ᓄᓇᕗᒻᒥ ᐃᓕᓐᓂᐊᓕᓵᖅᑐᓄᑦ ᐃᓕᓐᓂᐊᕐᓂᖕᒧᑦ ᑮᓇᐅᔭᑦ ᐊᕐᕌᒍᑕᒫᑦ ᑐᓂᔭᐅᓲᑦ 1−ᒧᑦ ᐃᓄᐃᑦ ᐃᓱᓕᑦᑎᔪᓄᑦ ᐃᓕᓐᓂᐊᕐᑎᓄᑦ ᐃᓕᓐᓂᐊᕐᓗᑎᒃ ᓇᐅᒃᑯᒃᑭᐊᖅ ᖃᓄᐃᙱᑦᑎᐊᖕᓂᒃᑯᑦ ᖃᓄᐃᙱᑦᑎᐊᖕᓂᒃᑯᓪᓗ. ᓂᕈᐊᖅᑕᐅᔪᖅ ᑐᓂᔭᐅᓂᐊᖅᑐᖅ $20,000.00
ᐱᓇᔪᖃᑕᐅᔪᓐᓇᖁᓪᓗᑎᑦ, ᐃᒪᐃᑦᑕᕆᐊᖃᖅᐳᑎᑦ
-ᓄᓇᕗᒻᒥ ᓄᓇᑖᖃᑕᐅᓯᒪᓗᓂ
– ᐊᑎᓕᐅᖅᑕᐅᓯᒪᔭᕆᐊᓕᒃ, ᐱᓇᓱᐊᖅᓯᒪᔪᖅ ᐅᕝᕙᓘᓐᓃᑦ ᐱᓇᓱᐊᕐᓂᐊᖅᑐᖅ ᐅᓪᓗᓕᒫᕐᒧᑦ ᐃᓯᖅᑎᑕᐅᓂᕐᒧᑦ ᐱᔪᓐᓇᖅᑎᑕᐅᔪᒧᑦ ᐱᔭᕇᖅᓯᓂᕐᒧᑦ ᐃᓕᓐᓂᐊᕐᓂᕐᒥᑦ ᖁᓪᓕᒃᑯᑦ ᖁᕝᕙᓯᓐᓂᓕᒻᒥᑦ ᐅᕝᕙᓘᓐᓃᑦ ᓘᑦᑖᖑᓂᕐᒧᑦ ᑲᓇᑕᒥ ᐱᓕᕆᕝᕕᒻᒥᑦ.
ᐱᓇᔪᒃᑐᑦ ᑎᑎᕋᕈᓐᓇᖅᑐᑦ ᖃᕆᑕᐅᔭᒃᑯᑦ ᐱᓇᔫᑎᒥᒃ, ᐱᓇᔪᒃᑐᑦ ᑎᑎᖅᑲᒥᒃ ᐊᑐᐃᓐᓇᕈᖅᑎᑦᑎᔭᕆᐊᖃᖅᐳᑦ ᓇᓗᓇᐃᖅᓯᔪᒥᒃ ᐱᓕᕆᐊᒃᓴᐅᑉ ᐅᓂᒃᑳᖅᓯᒪᓂᖓᓂᒃ, ᐊᒻᒪ ᑕᐅᑐᖅᑰᖅᑕᐅᔪᒥᒃ ᐃᓄᐃᑦ ᖃᐅᔨᓴᖅᑕᐅᔪᓂᒃ ᐃᓄᐃᑦ ᓄᓇᖓᓐᓂ.
(Slot for posting opportunities for graduate students)
2023 ᐃᓄᐃᑦ ᐃᓕᓐᓂᐊᖅᑎᓄᑦ ᐃᑲᔫᑎᓄᑦ ᖃᐅᔨᒪᔾᔪᑎᑦ
NU NEIHR 2020-2021 ᐅᓂᒃᑳᖅ − ᖃᓪᓗᓈᑎᑐᑦ
NU NEIHR 2020-2021 ᐅᓂᒃᑳᖅ − ᐃᓄᒃᑎᑐᑦ
Press Release June 12, 2020
ᑲᑎᓐᓂᖃᕆᑦᑎ ᐅᕙᑉᑎᖕᓂᑦ
The NEIHR Program (Network Environments in Indigenous Health Research) is funded by the CIHR’s Institute of Indigenous Peoples’ Health.
For more information on the NEIHR program, visit CIHR’s website.