ᑲᑎᒪᑎᑦᑎᓂᖅ

ᐃᖅᑲᓇᐃᔭᖅᑏᑦ ᐱᕙᓪᓕᐊᑎᓲᕆᓪᓗᑎᒍᓗ ᐃᓕᓐᓂᐊᖅᑎᑦᑐᒋᑦ, ᐱᓕᒻᒪᒃᓴᐃᓲᖑᓪᓗᑕ, ᐊᒻᒪᓗ ᐊᔪᙱᓐᓂᕆᔭᐅᔪᓂᑦ ᐱᕙᓪᓕᐊᑎᑦᑎᒍᑎᓂᒃ ᐃᓕᓐᓂᐊᑎᑦᑎᓲᖑᔪᒍᑦ ᓄᓇᕗᒻᒥ. – ᐃᑲᔪᖅᑐᐃᓲᖑᒻᒥᔪᒍᑦ ᓄᓇᕗᒻᒥ ᐃᓕᓐᓂᐊᖅᑎᓂᑦ ᓯᓚᑦᑐᓴᕐᕕᕐᔪᐊᒦᑦᑐᑦ ᐊᒻᒪᓗ ᖁᑦᑎᓂᖅᐹᓂᑦ ᐃᓕᓐᓂᐊᖅᑐᑦ ᓯᓚᑦᑐᓴᕐᕕᕐᔪᐊᕐᒥ. ᐱᓕᒻᒪᒃᓴᐃᓲᖑᔪᒍᑦ ᖃᐅᔨᓴᕈᓯᐅᖃᑦᑕᓂᐊᖅᑐᓂᑦ, ᐋᓐᓂᐊᖅᑕᐃᓕᒪᓂᕐᒧᑦ ᖃᐅᔨᓴᕐᓂᕐᒥᒃ ᐃᓕᖅᑯᓯᕆᔭᐅᑦᑎᐊᕆᐊᓕᖕᓂᒃ, ᑐᒃᓯᕋᐅᑎᓕᐅᕐᓂᕐᒧᑦ ᑎᑎᕋᕐᓂᕐᒥᒃ, ᐊᒻᒪᓗ ᐊᓯᖏᓐᓂᑦ ᑐᕌᖓᔪᑦ ᐱᔾᔪᑏᑦ ᓇᓗᓇᐃᖅᑕᐅᓯᒪᓪᓗᑎᑦ ᖃᓄᐃᑦᑑᒐᔭᕐᓂᖏᑦ ᓄᓇᓕᐅᔪᓄᑦ.

ᐊᑐᐃᓐᓇᐅᑎᑦᑎᕙᑦᑐᑕᓗ ᑐᑭᓯᒋᐊᕈᑎᔅᓴᓂᑦ ᐃᓂᐃᒍᓐᓇᖅᑐᓂᑦ ᓄᓇᕗᒻᒥ ᐃᓕᓐᓂᐊᑲᓐᓂᕈᒪᔪᓂᑦ ᐱᔭᕆᖅᓯᒪᔪᓂᓪᓗ ᐃᓕᓐᓂᐊᖅᑎᓂᑦ ᐃᓕᓐᓂᐊᑲᓐᓂᕈᒪᔪᓄᑦ. ᐃᓕᓐᓂᐊᖅᑎᓂᑦ ᐃᖅᑲᓇᐃᔭᖅᑎᖃᖅᐸᑦᑐᑕ ᓄᓇᕗᒻᒥ ᐋᓐᓂᐊᓲᖅᑎᕈᕋᓱᐊᖅᑐᓄᑦ ᐃᑲᔪᖅᑐᖅᑐᒋᓪᓗ ᐃᖃᓗᓐᓂ ᐃᓕᓐᓂᐊᕖᑦ ᐊᐅᔭᒃᑯᓪᓗ ᐃᖅᑲᓇᐃᔭᖅᑎᑦᑎᕙᑦᑐᑕ.

ᑭᖑᓪᓕᖅᐹᒥᓕ, ᐱᖃᖅᑐᒍᑦ ᑲᔪᓯᑎᑦᑏᓐᓇᖅᑐᑕᓗ ᐃᓕᓐᓂᐊᑎᑦᑎᒍᑎᔅᓴᓂᑦ ᑲᑎᒪᓂᒃᑯᑦ ᓯᓚᑦᑐᖅᓴᕐᕕᔾᔪᐊᓂ ᑲᓇᑕᒥ ᐅᑭᐅᖅᑕᖅᑑᑉ ᐋᓐᓂᐊᖅᑕᐃᓕᒪᓂᕐᒧᑦ ᖃᔨᐅᓴᕐᓂᕐᒥᑦ, ᐱᓗᐊᖅᑐᒥᑦ, ᓯᓚᑦᑐᖅᓴᕐᕕᔾᔪᐊᖓᓐᓂ ᑐᕌᓐᑐ ᑖᓚ ᓛᓇ ᐃᓕᓐᓂᐊᕐᕕᖏᓐᓂ ᐋᓐᓂᐊᖅᑕᐃᓕᒪᔪᓕᕆᓂᕐᒥᑦ, ᒪᓴᐃ ᓯᓚᑦᑐᖅᓴᕐᕕᖓᓐᓂ, ᔫᑳᓐ ᖃᐅᔨᓴᖅᑎᖏᓐᓂ, ᓯᓚᑦᑐᖅᓴᕐᕕᔾᔪᐊᖓᓐᓂ ᐋᓐᑎᐅᕆᔫᑉ, ᓄᓇᕗᑦ ᓯᓚᑦᑐᖅᓴᕐᕕᖓᓐᓂ, ᐊᒻᒪᓗ ᓯᓚᑦᑐᖅᓴᕐᕕᔾᔪᐊᖓᓐᓂ ᒫᓂᑑᐸᒥ ᐅᑭᐅᖑᓚᐅᖅᑐᓂᑦ. ᐱᓕᕆᖃᑎᖃᖃᑦᑕᖅᑐᑕᓗ ᓄᓇᕗᒻᒥ ᑎᒍᒥᐊᖅᑎᐅᖃᑕᐅᔪᓂᑦ ᐋᓐᓂᐊᖅᑕᐃᓕᒪᔪᓕᕆᔨᒃᑯᓐᓂ, ᐃᓚᒌᓐᓂᑦ ᐱᔨᑦᑎᕋᖅᑎᓂᑦ, ᐃᓕᓐᓂᐊᖅᑐᓕᕆᔨᒃᑯᓐᓂ, ᐊᒻᒪᓗ ᓄᓇᕗᑦ ᑐᓐᖓᕕᒃᑯᓐᓂ ᐊᒻᒪᓗ ᐊᕕᑦᑐᖅᓯᒪᔪᓂᑦ ᐃᓄᐃᑦ ᑲᑐᔾᔨᖃᑎᒌᖏᓐᓂ. ᐱᓕᕆᖃᑎᖃᖃᑦᑕᕐᒥᔪᒍᑦ ᓄᓇᕗᑦ ᖃᐅᔨᓴᖅᑎᓂ ᐊᒻᒪᓗ ᕿᒥᕐᕈᖃᑦᑕᖅᑐᑕ ᑐᔅᓯᕋᐅᑎᓂᑦ ᓚᐃᓴᔅᓯᑖᕈᒪᔪᓂᑦ.

ᖃᐅᔨᓴᖅᑕᐅᓂᖏᑦ
ᐊᑐᐃᓐᓇᐅᑎᑦᑎᓪᓗᑕ ᑲᒪᒋᔭᐅᓂᖏᓐᓂ, ᐱᔭᕇᕐᓂᖏᓐᓂ ᐊᑦᑐᐃᓂᖃᕐᓂᖏᓐᓂᓪᓗ ᖃᐅᔨᓴᖅᑐᑕ ᓄᓇᓕᓐᓂᑦ, ᕼᐊᒻᒪᓚᐅᔪᓂᑦ ᐊᒻᒪᓗ ᐅᑭᐅᖅᑕᖅᑑᑉ ᒐᕙᒪᒃᑯᖏᓐᓂ, ᓄᓇᖃᖅᑳᖅᑐᒥᓃᑦ ᑲᑐᔾᔨᖃᑎᒌᖏᓐᓂ ᑐᔅᓯᕋᕋᐃᒻᒪᑕ ᐅᕝᕙᓘᓐᓃᑦ ᖃᐃᖁᔨᒐᐃᒻᒪᑕ.
ᓄᓇᓕᓐᓂ ᐅᖃᐅᔾᔨᒋᐊᖅᑏᑦ
ᐅᑉᐱᕆᔭᖃᕋᑦᑕ ᓴᓐᖏᓂᖏᓐᓂ ᑕᒪᒃᑯᓂᖓ ᐃᓅᓯᖏᓐᓂ ᐅᑭᐅᖅᑕᖅᑐᒥᐅᑦ ᐊᒻᒪᓗ ᐱᕕᖃᕐᓂᖏᓐᓂ ᐱᓕᕆᖃᑎᒌᓪᓗᑎᑦ ᓄᓇᖅᑲᑎᒌᑦ. ᐱᓕᕆᖃᑎᖃᕐᓗᑕᓗ ᓄᓇᓕᓐᓂ ᐅᖃᐅᔾᔨᒋᐊᖅᑎᐅᔪᓐᓇᕐᓗᑎᑦ ᐊᓯᔾᔨᕐᓗᒋᑦ ᐃᑲᔪᖅᑐᐃᓂᐅᑉ ᑎᒍᒥᐊᖅᑎᖏᓐᓂ, ᐅᑭᐅᖅᑕᖅᑐᒥ ᑲᓇᑕᒥᓗ ᐱᓕᕆᖃᑎᖏᓐᓂ, ᐊᑐᓕᖅᑎᑦᑎᓗᑎᑦ ᖃᐅᔨᓴᕐᓂᑎᓐᓂ ᐱᖁᔭᖅᑎᒍᑦ − ᐃᓯᒪᓕᐅᖅᑎᒍᑦ ᐊᒻᒪᓗ ᐱᓕᕆᖃᑎᖃᕐᓗᑦ ᐱᔨᑦᑎᕋᐅᑎᑎᒍᑦ ᓄᖅᑲᑎᑦᑎᑲᓐᓂᕋᓱᐊᕐᓂᑎᓐᓂ ᐊᒻᒪᓗ ᐱᔨᑦᑎᕈᑎᓂᑦ ᐱᔨᑦᑎᑎᓪᓗᑕ.
ᖃᐅᔨᓴᕐᓂᕗᑦ ᕿᒥᕐᕈᔭᐅᓂᖏᑦ
ᐱᓕᕆᖃᑎᖃᕐᓗᑕ ᓄᓇᕗᒻᒥ ᕿᒥᕐᕈᓗᑕ ᑐᔅᓯᕋᐅᑎᓂ ᓄᓇᕗᒻᒥ ᖃᐅᔨᓴᖅᑎᓂᑦ ᓯᓚᑖᓃᓐᖔᖅᓯᒪᔪᓂᑦ. ᕿᒥᕐᕈᓂᑦᑎᓂᓪᓗ ᐊᑐᓕᖅᑎᑦᑎᒍᓐᓇᕐᓗᑕ ᐃᓕᖅᑯᓯᑦᑎᓐᓂ, ᐱᓕᕆᓂᑦᑎᓐᓂ, ᐊᖏᖅᓯᒪᓂᑦᑎᓐᓂ, ᐊᒻᒪᓗ ᐃᓱᒪᒋᔭᑦᑎᓐᓂ ᑕᒪᒃᑯᓂᖓ ᐃᓱᒪᒋᔭᑦᑎᓐᓂ ᓄᓇᕗᒻᒥ ᐱᓕᕆᖃᒌᓐᓂᒃᑯᑦ ᐱᓕᕆᐊᓄᑦ.