ᓯᓚᖓᓄ ᐊᓯᔾᔨᕐᓂᖓᓄ ᐊᒻᒪ ᐋᓐᓂᐊᖅᑐᓕᕆᓂᕐᒧᑦ ᐊᑐᓕᕈᓐᓇᓂᕐᒧᑦ (CCHAP) ᑮᓇᐅᔭᖃᖅᑎᑦᑎᔪᖅ ᐃᓄᓐᓄᑦ ᑐᑭᒧᐊᖅᑎᑕᐅᔪᑦ ᐱᓕᕆᐊᓂᑦ ᐅᑭᐅᑕᖅᑐᒥ ᐃᑲᔪᕐᓂᖃᖅᑐᑦ ᓄᓇᓕᓐᓂᑦ ᐊᑐᓕᕈᓐᓇᓂᕐᒧᑦ ᐋᓐᓂᐊᖅᑐᓕᕆᓂᕐᒧᑦ ᐊᑦᑐᖅᑕᐅᔪᓂᑦ ᓯᓚᖓᓄ ᐊᓯᔾᔨᕐᓂᖓᓄᑦ.

ᓯᓚᖓᓄ ᐊᓯᔾᔨᕐᓂᖓᓄ ᐸᕐᓇᓯᒪᓂᖅ ᐅᑭᐅᑕᖅᑐᒥ ᐱᓕᕆᐊᖅ (CCPN) ]ᑮᓇᐅᔭᖃᖅᑎᑦᑎᔪᑦ ᐅᑭᐅᑕᖅᑐᒥᐅᑕᓄᑦ ᑐᑭᒧᐊᖅᑎᑕᐅᔪᑦ ᐱᓕᕆᐊᑦ ᐃᑲᔪᖅᑐᑦ ᓄᓇᓕᓐᓂᑦ ᐊᑐᓕᕈᓐᓇᕐᓗᑎ ᓯᓚᖓᓄ ᐊᓯᔾᔨᕐᓂᖓᓄ ᐊᑦᑐᖅᑕᐅᔪᓄᑦ ᓄᓇᓕᖏᓐᓂᑦ.

ᐱᓕᕆᐊᖅ ᑮᓇᐅᔭᖃᖅᑎᑦᑎᔪᖅ ᐃᑲᔪᕐᓗᒋᑦ ᓄᓇᖃᖅᑳᖅᓯᒪᔪᑦ ᓄᓇᓖᑦ ᐱᕙᓪᓕᐊᑎᑦᑎᓂᕐᒥᑦ ᐊᒻᒪ ᐊᑐᓕᖅᑎᑕᐅᓂᖓᓄᑦ ᓄᓇᓕᒻᒧᑦ ᐊᐅᓚᑕᐅᔪᑦ ᓯᒪᖓᓂ ᖃᐅᔨᓴᖃᑦᑕᓂᕐᒧᑦ ᐱᓕᕆᐊᓂᑦ.

ᐱᓕᕆᐊᑦ ᐅᑯᓄᖓᕋᔪᑦᑐᑦ ᐅᑯᓇᓂ ᖃᓄᐃᑦᑐᒡᒍᑕᐅᓂᖏᓐᓄᑦ:

• ᓂᕿᓄᑦ ᐊᑦᑕᓇᐃᖅᓯᒪᓂᖅ
• ᓴᓐᖏᔫᓂᕐᒥᑦ ᐱᕈᖅᑎᑦᑎᓂᖅ
• ᖃᐅᔨᒪᔭᐅᔪᑦ ᐊᐅᓪᓛᖅᑲᑕᐅᔪᑦ
• ᓄᓇᒨᓂᕐᒧᑦ
• ᐃᒥᖅ ᐱᐅᓂᖓ
• ᐊᑐᓕᕈᓐᓇᓂᕐᒧᑦ ᐸᕐᓇᐃᓂᖅ

ᐊᑐᓕᕈᓐᓇᓂᕐᒧᑦ ᐸᕐᓇᐃᓂᖅ (ᓴᓇᔭᐅᓯᒪᖏᑦᑐᓂᑦ ᐊᑐᓕᕈᓐᓇᓂᕐᒧᑦ ᐊᑐᖅᑕᐅᔪᑦ):

• ᐊᑦᑕᓇᕈᓐᓇᓂᕐᒧᑦ ᐊᖅᓴ ᐊᑦᑕᓇᕈᓐᓇᖅᑐᓂ ᖃᐅᔨᓴᓂᕐᒧᑦ ᓯᓚᖓᓄ ᐊᓯᔾᔨᕐᓂᖓᓄᑦ ᐊᑦᑐᖅᑕᐅᔪᑦ.
• ᐱᕙᓪ−ᓕᐊᑎᑕᐅᓂᖏᑦ ᐊᑦᑕᓇᖅᑐᓄᑦ ᓄᓇᖑᐊᑦ.
• ᐱᕙᓪᓕᐊᑎᑕᐅᓂᖏᑦ ᐊᑐᓕᕈᓐᓇᓂᕐᒧᑦ ᐸᕐᓇᐅᑏᑦ ᐊᒻᒪ ᓇᓖᕌᕋᔅᓴᐃᑦ ᓲᕐᓗ ᓯᑯᖓ ᖃᐅᔨᓴᖃᑦᑕᓂᕐᒧᑦ ᖃᐅᔨᓴᐅᑦ.

ᐊᑐᓕᖅᑎᑕᐅᓂᖓ ᐊᑐᓕᕈᓐᓇᓂᕐᒧᑦ ᐊᑐᖅᑕᐅᔪᑦ (ᓴᓇᓯᒪᔪᓂᑦ ᐊᑐᓕᕈᓐᓇᓂᕐᒧᑦ ᐊᑐᖅᑕᐅᔪᑦ)

• ᐆᑦᑑᑎᒋᓗᒍ, ᐊᑐᓕᖅᑎᑕᐅᓂᖓ ᓴᓇᔭᐅᒃᑲᓂᕐᓂᖓ ᓴᓇᓯᒪᓂᖓ ᐅᕝᕙᓘᓐᓃᑦ ᓴᓇᒋᐊᖅᑕᐅᓗᓂ ᐱᖁᑎᕐᔪᐊᖅ ᓲᕐᓗ ᑰᕝᕖᑦ ᐅᕝᕙᓘᓐᓃᑦ ᒪᓪᓕᔭᐃᒃᑯᑏᑦ.

ᖃᐅᔨᓴᖃᑦᑕᕐᓂᖅ ᓯᓚᖓᓂ ᐅᕝᕙᓘᓐᓃᑦ ᐊᑦᑐᖅᑕᐅᔪᓂᑦ ᓯᓚᖓᓄ ᐊᓯᔾᔨᕐᓂᖓᓄᑦ ᓯᓚᒋᖃᑦᑕᖅᑕᖓᓂ, ᓄᓇᖓ ᐊᒻᒪ ᐃᒪᖓ, ᐊᒻᒪ ᐆᒪᔪᐃᑦ ᐊᒻᒪ ᐱᕈᖅᑐᐃᑦ ᐃᓄᐃᑦ ᖃᐅᔨᒪᔭᑐᖃᖏᑎᒍᑦ ᑕᑯᓐᓇᖅᑕᐅᔪᓂᑦ ᐊᒻ/ᐅᕝᕙᓘᓐᓃᑦ ᖃᐅᔨᓴᖅᑎᓄᑦ ᖃᐅᔨᓴᐅᑎᓄᑦ.

ᐆᑦᑐᖃᐅᑎᐅᔪᑦ ᖃᐅᔨᒪᔭᐅᔪᓐᓇᖅᑐᑦ/ᖃᐅᔨᓴᖅᑕᐅᖃᑦᑕᕈᓐᓇᖅᑐᑦ:

• ᓯᓚᖓ: ᐆᓇᕐᓂᖓ, ᓯᓚᓗᖃᑦᑕᕐᓂᖓ ᖃᓐᓂᖃᑦᑕᕐᓂᖓ, ᖃᐅᓯᕐᓂᖓ, ᐊᓄᕆᖓ, ᓯᓚᑲᒻᒪᐅᖃᑦᑕᖅᑐᑦ.
• ᓄᓴᖓ ᐊᒻᒪ ᐃᒪᖓ: ᑯᐊᖑᐃᓐᓇᖅᑐᑦ ᖃᓄᐃᓐᓂᖏᑦ, ᐃᒪᐅᑉ ᑭᓪᓕᖓᓂ ᓄᖑᑎᖅᑐᑦ, ᓄᓴᐃᑦ ᑎᓲᖅᑐᑦ, ᐸᓂᖅᑐᑦ, ᐃᒪᖓ ᐱᐅᓂᖓ ᐊᒻᒪ ᐊᖏᓂᖓ, ᐃᒪᖓ ᑕᕆᐅᖃᕐᓂᖓ, ᐃᒪᖓ ᐆᓇᕐᓂᖓ, ᐃᒻᒪᖃᑦᑕᖅᑐᑦ, ᐊᒧᐃᑦᑐᑦ ᓄᖑᓕᕐᓂᖏᑦ, ᐃᒥᑦᑎᐊᕙᐃᑦ ᓯᑯᖏᑦ, ᓯᑯᐃᑦ, ᐃᒪᖓ ᖁᕝᕙᓯᓐᓂᖓ, ᐊᐳᑎᖃᕐᓂᖓ, ᓯᓚᑲᒻᒪᐅᖃᑦᑕᕐᓂᖏᑦ.
• ᐆᒪᔪᐃᑦ ᐊᒻᒪ ᕈᖅᑐᐃᑦ: ᐊᒥᓲᓂᖏᑦ, ᓇᒧᖓᖃᑦᑕᕐᓂᖏᑦ, ᖃᓄᐃᖏᑎᐊᓂᕐᒧᑦ, ᐊᕐᕌᒍ ᐃᓗᐊᓂ ᖃᖑᒃᑰᓂᖓ, ᓇᔪᖅᑕᐅᔪᑦ ᐱᐅᓂᖏᑦ, ᐆᒪᔪᐃᑦ ᐊᑦᑕᓇᖅᑐᒦᑦᑐᑦ, ᐅᑭᐅᑕᖅᑐᒥᐅᑕᓪᓚᕆᐅᖏᑦᑐᑦ ᐆᒪᔪᐃᑦ ᐱᖅᑯᓯᑐᖃᕐᓄ ᐋᓐᓂᐊᔭᐃᒃᑯᑏᑦ.

ᓴᖏᔪᒥᑦ ᑲᑎᓐᖓᓂᖃᖅᑐᑦ ᓯᓚᖓᓄ ᐊᓯᔾᔨᕐᓂᖓᓄ ᐊᒻᒪ ᐱᓕᕆᐊᖃᖅᑐᑦ ᐊᑦᑐᖅᑕᐅᔪᓂᑦ ᓯᓚᖓᓄ ᐊᓯᔾᔨᕐᓂᖓᓄᑦ ᐋᓐᓂᐊᖅᑐᓕᕆᓂᕐᒧᑦ

ᐊᑐᓕᕈᓐᓇᓂᕐᒧᑦ ᖃᐅᔨᒪᓂᖃᓕᕐᓗᑎᑦ, ᐅᕝᕙᓘᓐᓃᑦ ᑐᑭᓯᒋᐊᕈᑎᖃᖅᑎᑦᑎᓗᓂ ᖃᐅᔨᑎᑦᑎᓂᐊᖅᑐᓂ ᓯᕗᓂᔅᓴᒥ ᐊᑐᓕᖅᑕᐅᔪᓐᓇᖅᑐᓂᑦ

ᓴᖏᔪᒥᑦ ᐃᓚᒋᔭᖃᕐᓗᓂ ᓯᓚᖓᓄ ᐊᓯᔾᔨᕐᓂᖓᓄ ᐃᑲᔪᕐᓂᖃᖅᑐᑦ ᓄᓇᓕᓐᓄᑦ ᐊᑐᓕᕈᓐᓇᕋᓱᐊᕐᓂᖏᓐᓄᑦ ᐊᕙᑎᖓᓄᑦ ᐊᑐᖅᑕᐅᔪᓄᑦ ᓯᓚᖓᓄ ᐊᓯᔾᔨᕐᓂᖓᓄᑦ.

ᓄᓇᓕᒻᒧᑦ ᑐᑭᒧᐊᖅᑎᑕᐅᔪᑦ

ᐊᑦᑐᐊᓂᓖᑦ ᖃᐅᔨᓴᖃᑦᑕᓂᕐᒧᑦ ᓯᓚᖓᓂ ᐅᕝᕙᓘᓐᓃᑦ ᐊᑦᑐᖅᑕᐅᔪᑦ ᓯᓚᖓᓄ ᐊᓯᔾᔨᕐᓂᖓᓄᑦ

ᐱᖃᓯᐅᔾᔨᔪᑦ ᐃᓄᐃᑦ ᖃᐅᔨᒪᔭᑐᖃᖏᑦ ᐊᒻᒪ/ᐅᕝᕙᓘᓐᓃᑦ ᖃᐅᔨᓴᖅᑎᓄᑦ ᐊᑐᖅᑕᐅᓂᖏᑦ

ᐱᕈᖅᑎᑦᑎᓗᓂ ᐱᔪᓐᓇᕐᓂᖃᓂᕐᒥᑦ ᓄᓇᔨᒻᒥᐅᑕᓂᑦ ᓯᓚᖓᓂ ᖃᐅᔨᓴᖃᑦᑕᓂᕐᒧᑦ ᐅᕝᕙᓘᓐᓃᑦ ᐊᑦᑐᐊᓂᓖᑦ ᓇᒦᓐᓂᖓ

ᖃᐅᔨᒪᓂᐅᔪᓂᑦ ᐊᐅᓪᓛᑎᑦᑎᕕᔅᓴᐅᔪᓂᑦ ᑭᖑᕚᕇᑦᑐᓂᑦ ᐊᒻᒪ ᐃᖃᓗᔪᕐᓗᒋᑦ ᐃᓄᐃᑦ ᐱᖅᑯᓯᖓ ᑲᔪᓯᑎᑕᐅᓂᖓy

ᕿᓚᒥᐅᔪᒧᑦ ᖃᐅᔨᓴᕐᓂᖅ ᐊᒻᒪ ᖃᐅᔨᓴᖃᑦᑕᓂᕐᒧᑦ ᖁᓪᓗᖅᑑᒥ ᓇᓗᓇᐃᕐᓗᒍ ᓯᓚᖓᓄ ᐊᓯᔾᔨᕐᓂᖓᓄ ᐊᑦᑐᖅᑕᐅᔪᑦ ᖁᓪᓗᖅᑑᖅ ᑰᖓᓂ

ᑮᓇᐅᔭᖃᖅᑎᑕᐅᓂᖅ ᐃᑲᔪᕐᓗᓂ ᓴᓇᓯᒪᓂᖓᓄᑦ ᐊᒻᒪ ᐱᕙᓪᓕᐊᑎᑕᐅᓂᖓᓄᑦ ᓂᕿᓄᑦ ᐊᑦᑕᓇᐃᖅᓯᒪᓂᕐᒧᑦ ᐸᕐᓇᐅᑏᑦ ᐃᓅᕕᐊᓗᓐᓂᑦ ᐊᕕᑦᑐᖅᓯᒪᔪᒧᑦ ᐊᒻᒪ ᐃᓗᐊᓂ ᓯᐅᑰᖅ ᐊᓐᓚᐃᑦ (2 ᐃᓛᒃᑯᖅᑐᑦ ᐱᓕᕆᐊᑦ)

ᑭᓇᐅᔭᖃᖅᑎᑕᐅᓂᖅ ᑲᑎᑦᑎᓪᓗᒋᑦ ᒪᒃᑯᑦᑐᐃᑦ ᐊᒻᒪ ᐃᓐᓇᑐᖃᐃᑦᑎᓖᔅᓱ ᓄᓇᓕᓐᓂᑦ ᐃᓕᓐᓂᐊᑎᓪᓗᒋᑦ ᐊᖑᓇᓱᓐᓂᕐᒥᑦ ᐊᒻᒪ ᐴᖅᑲᐃᓂᕐᒧᑦ ᓄᓇᓕᒻᒧᑦ ᖁᐊᒃᑯᕕᓂᑦ

ᓯᑯᖓᓂ ᖃᐅᔨᓴᖃᑦᑕᕐᓂᖅ ᐱᓕᕆᐊᑦ ᐊᒥᓱᒐᓚᓐᓂᑦ ᓄᓇᕗᒻᒥ ᓄᓇᓕᓐᓂᑦ

ᑮᓇᐅᔭᖃᖅᑎᑕᐅᓂᖅ ᐃᑲᔪᕐᓗᓂ ᖃᐅᔨᓴᓂᕐᒧᑦ, ᐊᒻᒪ ᓯᓚᖓᓄ ᐊᓯᔾᔨᕐᓂᖓᓄᑦ ᐊᑦᑐᓂᓖᑦ ᐸᕐᓇᐃᓂᕐᒥᑦ, ᓄᓇᓕᒻᒥ ᕕᕕᕕᖏᑦ ᐊᕐᕕᐊᓂᑦ ᐊᒻᒪ ᑭᓐᖓᕐᓂᑦ.

ᑮᓇᐅᔭᖃᖅᑎᑕᐅᓂᖅ ᐃᑲᔪᕐᓗᓂ ᓄᓇᖓᓂ ᓇᓗᓇᐃᔭᖅᓯᒪᓂᖏᓐᓄᑦ ᖃᐅᔨᓴᖅᑕᐅᓂᖏᓐᓄᑦ ᓄᓴᖓ ᐊᒻᒪ ᖁᐊᖑᐃᓐᓇᖅᑐᖅ ᖃᓄᐃᓐᓂᕆᔭᖏᑦ ᖃᐅᔨᑎᑦᑎᒍᑎᐅᓗᑎ ᓴᓇᓯᒪᓂᖓᓄᑦ ᓴᓇᓂᕐᒥᑦ ᐃᓪᓗᐃᑦ ᑐᓐᖓᕕᖏᓐᓄᑦ (ᓄᓇᕗᒻᒥ ᐃᒡᓗᓕᕆᔨᕐᔪᐊᒃᑯᑦ ᑯᐊᐳᕇᓴᓐ).

ᑮᓇᐅᔭᖃᖅᑎᑕᐅᓂᖅ ᐃᑲᔪᕐᓗᓂ ᑭᑯᖓᓂ ᖃᐅᔨᓴᖃᑦᑕᓂᕐᒧᑦ ᓄᓇᓕᒻᒥ ᐊᑐᓕᕈᓐᓇᓂᕐᒧᑦ ᐊᓯᔾᔨᖅᑐᓂ ᖃᐅᓱᐃᑦᑐᒥ, SmartICE Inc.

ᑮᓇᐅᔭᖃᖅᑎᑕᐅᓂᖅ ᐃᑲᔪᕐᓗᓂ ᓄᓇᒦᓪᓗᓂ ᖃᐅᔨᒪᔭᐅᔪᑦ ᑐᓂᓯᖃᑦᑕᐅᓂᕐᒧᑦ ᐊᑐᓕᕈᓐᓇᓂᕐᒧᑦ ᐊᖑᓇᓱᖃᑦᑕᓂᕐᒧᑦ ᐊᕐᕕᐊᓂ ᒪᒃᑯᑦᑐᓂ ᐊᖑᓇᓱᑦᑎᓄᑦ ᐱᓕᕆᐊᒥᑦ ᐊᒻᒪ ᕿᑎᕐᒥᐅᑦ ᐱᖅᑯᓯᑐᖃᓄᑦ ᑎᒥᖓᑦ.

ᐃᖅᑲᓇᐃᔭᖅᑎᑦᑎᓂᖅ ᐊᒻᒪ ᐃᓕᓐᓂᐊᑎᑦᑎᓂᖅ ᓄᓇᓕᒻᒥᐅᑕᓂᑦ ᒥᑦᑎᒪᑕᓕᒻᒥ ᐊᕙᑎᓕᕆᓂᕐᒧᑦ ᖃᐅᔨᓴᖅᑎᐅᓗᑎ ᑎᑎᕋᕐᓗᑎ ᑐᑭᓯᒋᐊᕈᑎᓂᑦ ᖃᐅᔨᓴᐅᑎᓂᑦ, ᖃᓄᐃᓘᖃᑦᑕᕐᓂᖏᓐᓄᑦ ᑕᑯᔭᐅᔪᑦ, ᐊᒻᒪ GPS ᑐᑭᓯᒋᐊᕈᑎᑦ ᐃᒪᕐᒥᐅᑕᓄᑦ ᐆᒪᔪᓄᑦ ᖃᐅᔨᒪᓗᒋᑦ ᖃᓄᐃᓐᓂᖏᑦ, ᓇᓄᖓᖃᑦᑕᕐᓂᖏᑦ, ᐊᒻᒪ ᐊᒥᓲᓂᖏᓐᓄᑦ. ᐅᕙᓂ ᐅᖃᓕᒫᒃᑲᓐᓂᕆᑦ ᐱᓕᕆᐊᒧᑦ ᒥᔅᓵᓄᑦ

ᒪᒃᑯᑦᑐᓄᑦ ᐊᖑᓇᓱᑦᑎᓄᑦ ᐱᓕᕆᐊᖅ ᐊᕐᕕᐊᓂᑦ, ᐊᖑᑏᑦ ᐊᕐᕌᒍᓖᑦ 8-18, ᐊᔪᖏᑦᑑᔪᓐᓇᓕᕐᓗᑎ ᓄᖑᓴᐃᖏᑦᑐᓂ ᐊᖑᓇᓱᓐᓂᕐᒥᑦ ᐊᒻᒪ ᐊᕙᑎᖓᓂ ᖃᐅᔨᓴᖃᑦᑕᓂᕐᒧᑦ ᐊᑐᖅᑕᐅᓪᓗᑎ, ᓄᓇᒦᓐᓂᕐᒥᑦ ᐃᓕᓐᓂᐊᕐᓂᖅ ᐃᓐᓇᑐᖃᕐᓂᑦ ᐊᒻᒪ ᐱᓕᕆᐊᒥᑦ ᐱᔭᕇᒻᖅᓯᓯᒪᔪᓂᑦ. ᒪᒃᑯᑦᑐᑦ ᖃᐅᔨᓴᖃᑦᑕᖅᑐᑦ ᖃᓄᐃᓐᓂᖏᓐᓂ, ᐊᖑᓇᓱᑦᑕᐅᔪᑦ ᖁᕝᕙᓯᓐᓂᖏᑦ, ᐊᒻᒪ ᓂᕆᔭᐅᖃᑦᑕᕐᓂᖏᑦ ᓇᑦᑏᑦ ᐊᒻᒪ ᑐᑦᑐᐃᑦ. ᐅᕙᓂ ᐅᖃᓕᒫᒃᑲᓐᓂᕆᑦ ᐱᓕᕆᐊᒧᑦ ᒥᔅᓵᓄᑦ

ᕿᑎᕐᒥᐅᓂᑦ, ᐆᒪᔪᕐᓂᐊᑎᒃᑯᑦ ᑐᔾᔨᖃᑎᒌᖏᑦ ᐃᖅᑲᓇᐃᔭᖃᖅᖃᖅᑐᑦ ᐱᓕᕆᖃᑎᖃᕐᓗᑎ ᕿᑎᕐᒥᐅᑦ ᐆᒪᔪᓕᕆᔩᑦ ᑲᑎᒪᔨᖏᓐᓂ ᓴᓇᓗᑎ ᐊᒻᒪ ᓴᖅᑭᑎᑦᑎᓗᑎ ᑐᑭᓯᒋᐊᕈᑎᓂᑦ ᐱᖃᓯᐅᔾᔨᔪᓂᑦ ᑕᒪᒃᑭᓐᓂ ᐃᓄᐃᑦ ᖃᐅᔨᒪᔭᑐᖃᖏᓄᑦ ᖃᐅᔨᔭᐅᔪᑦ ᐊᒻᒪ ᐅᓂᒃᑳᑦ, ᐊᒻᒪᓗᑦᑕᐅᖅ ᖃᓪᓗᓈᓄᑦ ᖃᐅᔨᓴᖅᑕᐅᓯᒪᔪᑦ. ᐃᓱᒪᒋᔭᐅᓂᖓ ᑎᑎᕋᖅᑕᐅᓗᑎ ᐊᒻᒪ ᐊᐅᓚᑕᐅᓗᑎ ᑖᒃᑯᐊ ᑐᑭᓯᒋᐊᕈᑏᑦ ᐱᒋᐊᓚᐅᖅᑐᑦ ᐱᔾᔪᑎᖃᖅᑐᑎᑦ ᑐᑦᑐᐃᑦ ᖃᓄᐃᖏᑎᐊᕐᓂᖏᓐᓄᑦ ᐊᑕᖏᖅᑐᒋᑦ ᐆᒪᔪᕐᓂᐊᑎᒃᑯᑦ ᑲᑎᔾᔨᖃᑎᒌᖏᓐᓂᑦ ᕿᑎᕐᒥᐅᓂᑦ.

CCHAP ᐃᕐᖏᓐᓈᕈᑎᒃᑯᑦ ᑐᑭᓯᒋᐊᕐᕕᖓ

Climate Telling

CCPN ᐃᕐᖏᓐᓈᕈᑎᒃᑯᑦ ᑐᑭᓯᒋᐊᕐᕕᖓ

ᓄᓇᖃᖅᑳᖅᓯᒪᔪᑦ ᓯᓚᖓᓄ ᑲᑎᕝᕕᓪᓗᐊᑕᖅ