ᐅᓂᒃᑳᕗᑦ

“ᖃᐅᔨᒋᐊᖅᑏᑦ ᐋᓐᓂᐊᖅᑕᐃᓕᒪᓂᕐᒧᑦ ᖃᐅᔨᓴᕐᕕᖓ ᐃᓛᒃᑰᖓᔪᖅ, ᖃᑭᒍᑎᒃᓴᓕᐅᙱᑦᑐᖅ ᓄᓇᓕᓐᓂ ᖃᐅᔨᓴᕐᕕᐅᓪᓗᓂ ᑎᒥᙳᓚᐅᖅᓯᒪᔪᖅ 2006-ᖑᑎᓪᓗᒍ ᓄᓇᕗᒻᒥᐅᓄᑦ ᐋᖅᑭᑦᑕᐅᓪᓗᓂ, ᐱᓕᕆᕕᐅᖃᑦᑕᕐᓂᐊᖅᑐᓂᓗ ᓄᓇᕗᒻᒥᐅᑕᕐᓄᑦ, ᑭᐅᖃᑦᑕᕈᓐᓇᖁᓪᓗᑕ ᐋᓐᓂᐊᖅᑕᐃᓕᒪᓂᕐᒧᑦ ᐊᐱᖅᑯᑎᒃᓴᓕᖕᓂᒃ ᓄᓇᓕᑦᑎᓐᓂ. ᑎᒥᕈᓚᐅᖅᓯᒪᔪᖅ 2006-ᖑᑎᓪᓗᒍ ᒍᕕᐊᓐ ᕼᐄᓕ ᐊᕿᐊᕈᕐᒧᑦ ᐊᒻᒪᓗ ᐃᓅᒍᓐᓃᓚᐅᖅᓯᒪᔪᖅ ᐋᓐᓄᓘ ᑕᒑᖅ ᐊᖓᔪᒃᑎᕐᒧᑦ. ᖃᐅᔨᒋᐊᕐᕕᒃ ᐱᕈᖅᐸᓪᓕᐊᓚᐅᖅᓯᒪᔪᖅ ᓯᓚᑉ ᖃᐅᔨᓴᖅᑕᐅᓂᖓᓄᑦ ᓄᓇᓕᖏᓐᓂ ᓄᓇᕗᑉ ᐱᓕᕆᕝᕕᐅᓚᐅᕋᓗᐊᖅᑐᓂ ᐱᓕᕆᐊᖃᓗᐊᓚᐅᖅᓯᒪᒐᓂ ᓯᕗᓪᓕᐅᔾᔭᐅᖁᔭᐅᔪᓂᑦ ᐱᓕᕆᐊᕆᔭᐅᔪᒪᔪᑦ ᓄᓇᕗᒻᒥᐅᑕᓄᑦ. ᖃᐅᔨᓴᓗᐊᓲᖑᔪᒍᑦ ᓯᕗᓪᓕᐅᑎᖁᔭᑦᑎᓐᓂ ᐱᔾᔪᖏᓐᓂᑦ ᓄᓇᓕᑦᑕ ᓴᙱᓂᑦᑎᓐᓂ ᑲᑎᖅᓱᐃᓲᖑᓪᓗᑕ ᐊᒻᒪᓗ ᖃᐅᔨᒪᓂᑦᑎᓐᓂ ᐱᕙᓪᓕᐊᒍᑎᖃᖅᑐᑕ. ᖃᐅᔨᒋᐊᖅᑏᑦ ᐱᕈᖅᓯᒪᔪᑦ ᑕᐃᑲᙵᑦ ᒥᑭᔪᑯᓘᓚᐅᖅᓯᒪᓪᓗᑎᑦ ᐊᑭᓕᖅᓱᖅᑕᐅᒐᑎᑦ ᐱᓕᕆᔨᐅᔪᓄᑦ ᐊᐅᓚᑕᐅᕙᓚᐅᖅᓯᒪᓪᓗᓂ ᐃᖅᑲᓇᐃᔭᖅᑎᖃᑦᑎᐊᓕᖅᑐᓂ ᐊᓪᓚ−ᕕᐊ ᐃᖃᓗᓐᓂ 7−ᓂᒃ ᐅᓪᓗᓕᒫᖅ ᖃᐅᔨᓴᖅᑎᑕᓕᖅᑐᓂ ᐊᒻᒪᓗ 10-15 ᐅᓪᓗᑉ ᐃᓚᖓᒍᑦ ᐃᖅᑲᓇᐃᔭᖅᑎᖃᓲᑦ ᐊᒻᒪᓗ ᐃᓛᒃᑰᖓᔪᑦ ᓇᒻᒥᓂᖃᐅᖅᑐᑦ ᐃᖅᑲᓇᐃᔭᖅᑎᒋᔭᐅᑲᐃᓐᓇᖅᑐᑎᑦ ᖃᖓᑐᐃᓐᓇᒃᑯᑦ.”

The Qaujigiartiit Health Research Centre
ᑕᑯᓐᓇᖅᑕᕗᑦ, ᐱᓕᕆᐊᕆᓂᐊᖅᑕᕗᑦ, ᐊᒻᒪᓗ ᑲᒪᒋᔭᕗᑦ

ᖃᐅᔨᒋᐊᖅᑏᑦ ᐋᓐᓂᐊᖅᑕᐃᓕᒪᔪᓕᕆᓂᕐᒧᑦ ᖃᔨᐅᓴᖅᑏᑦ ᐃᒻᒥᒃᑰᖅᑐᖅ, ᓄᓇᓕᓐᓄᑦ ᐊᐅᓚᑕᐅᓪᓗᑎᑦ ᖃᐅᔨᓴᕐᕕᒃ ᐊᔾᔨᒌᓐᖏᑦᑐᓄᑦ ᑲᑎᒪᔨᐅᔪᓄᑦ ᑭᒡᒐᖅᑐᐃᔨᓄᑦ ᐃᓄᓐᓄᑦ ᑲᑐᔾᔨᖃᑎᒌᓐᓄᑦ, ᖃᐅᔨᓴᖅᑎᑦ, ᒐᕙᒪᒃᑯᓐᓄᑦ ᐊᒻᒪᓗ ᓄᓇᓕᓐᓄᑦ. ᑐᑦᑕᕐᕕᖃᖅᑐᖅ ᐃᖃᓗᓐᓂ ᐱᓕᕆᐊᖏᑦ ᐃᖅᑲᓇᐃᔭᖅᑎᖏᓪᓗ ᓄᓇᑐᐃᓐᓈᖅᓯᒪᔪᑦ ᓄᓇᕗᒻᒥ. ᓄᓇᕗᒻᒥᐅᑕᐅᔪᒍᑦ ᐋᓐᓂᐊᖅᑕᐃᓕᒪᔪᓕᕆᓂᕐᒥᑦ ᓄᓇᓕᓐᓂ ᑲᒪᓪᓗᑕ. ᐱᓕᕆᐊᕗᑦ ᑕᒪᒃᑯᐊ ᓄᓇᓕᓐᓂ ᓄᓇᖃᑦᑎᐊᖅᑐᓕᕆᓂᕐᒧᑦ ᖃᐅᔨᓴᖅᑕᐅᑦᑎᐊᖃᑦᑕᕐᓗᑎᑦ ᓄᓇᓕᓐᓂᑦ, ᐅᑭᐅᖅᑕᖅᑐᒥᐅᑕᕐᓄᑦ, ᐊᒻᒪᓗ ᓄᓇᓕᓐᓂ ᐃᑲᔪᖅᑎᒌᓪᓗᑎᑦ, ᐊᑦᑕᓇᐃᖅᓯᒪᓪᓗᑎᑦ, ᐱᖅᑯᓯᖏᓐᓂᓪᓗ ᑐᑭᓯᐅᒪᑦᑎᐊᕐᓗᑎᑦ ᐊᒻᒪᓗ ᐱᓕᕆᔪᓐᓇᑦᑎᐊᕐᓂᕐᒥᑦ ᐊᑐᕐᓗᑎᑦ. ᓴᖅᑭᔮᖅᑎᑦᑎᒻᒥᔪᒍᑦ ᐃᓄᐃᑦ ᖃᐅᔨᒪᔭᑐᖃᖏᓐᓂ ᖃᓪᓗᓈᓪᓗ ᖃᐅᔨᓴᐅᑎᖏᓐᓂ ᖃᐅᔨᒪᓂᖏᓐᓂ ᐊᒻᒪᓗ ᑐᑭᓯᐅᒪᓂᖏᓐᓂ ᐋᓐᓂᐊᖅᑕᐃᓕᒪᔪᓕᕆᓂᕐᒥᑦ ᓄᓇᖃᑦᑎᐊᖅᑐᓕᕆᓂᕐᒥᓪᓗ ᓄᓇᕗᒻᒥ ᐃᓱᒫᓘᑎᐅᕙᑦᑐᓂ ᓄᓇᓕᓐᓂ, ᐋᓐᓂᐊᖅᑕᐃᓕᒪᔪᓕᕆᓂᕐᒥᑦ, ᐊᒻᒪᓗ ᐃᓅᓇᓱᐊᑦᑎᐊᕐᓂᕐᒥᑦ ᓄᓇᕗᒻᒥᐅᑕᕐᓄᑦ. ᑕᑯᓐᓇᑦᑕᖏᑦ ᖃᐅᔨᒋᐊᖅᑏᑦ ᐊᑐᕐᓗᑎᑦ ᖃᐅᔨᓴᕈᑎᒥᓂᕐᓂᑦ ᐊᑐᕐᓗᑎᑦ ᐱᒋᐊᕈᑎᖃᕐᓗᑎᑦ ᐋᓐᓂᐊᖅᑕᐃᓕᒪᔪᓕᕆᓂᕐᒨᖓᔪᓂᑦ ᓄᓇᓕᓐᓂ ᐊᑐᓕᕐᓗᑎᑦ.

ᑕᑯᓐᓇᖅᑕᕗᑦ. ᑕᑯᓐᓇᖅᑕᕗᑦ ᖁᕕᐊᓱᑦᑎᐊᖅᑐᓂᑦ, ᖃᓄᐃᓐᖏᑦᑎᐊᖅᑐᓂᑦ, ᐱᓕᕆᑦᑎᐊᖅᑐᓂ ᐅᑭᐅᖅᑕᖅᑐᒥ ᓄᓇᓕᓐᓂᑦ.

ᐱᓕᕆᐊᕆᓂᐊᖅᑕᕗᑦ. ᐱᓕᕆᐊᕆᔭᕗᑦ ᐋᓐᓂᐊᖅᑕᐃᓕᒪᔪᓕᕆᓂᕐᒥᑦ ᖃᐅᔨᓴᑦᑎᐊᕐᓗᑎᑦ ᓄᓇᓕᒻᒥᐅᑕᕐᓄᑦ, ᐅᑭᐅᖅᑕᖅᑐᒥᐅᑕᕐᓄᑦ, ᓄᓇᓕᓐᓂᓪᓗ ᐊᑦᑕᓇᐃᖅᓯᒪᓗᑎᑦ, ᐃᑲᔪᖅᑐᐃᓗᑎᑦ, ᐱᖅᑯᓯᖏᓐᓂ ᑐᑭᓯᐊᑦᑎᐊᖅᑐᓂᑦ ᐱᓕᕆᑦᑎᐊᕐᓂᒥᓪᓗ ᐊᒻᒪᓗ ᓴᖅᑭᔮᖅᑎᑦᑎᑦᑎᐊᕐᓗᑎᑦ ᐃᓚᓕᐅᔾᔨᓯᒪᓗᑎᑦ ᐃᓄᐃᑦ ᖃᓪᓗᓈᓪᓗ ᖃᐅᔨᒪᓂᖏᓐᓂ ᐱᓕᕆᔾᔪᓯᖏᓐᓂᓪᓗ ᐋᓐᓂᐊᖅᑐᓕᕆᓂᕐᒨᖓᓂᖏᓐᓂ, ᖃᓄᐃᑦᑐᓂᓪᓗ ᓴᖅᑮᔪᓐᓇᕐᓗᑎᑦ ᐋᓐᓂᐊᖅᑐᓕᕆᓂᕐᒥᑦ, ᐱᐅᓯᕚᓪᓕᑎᑦᑎᓂᕐᒥᓪᓗ ᐋᓐᓂᐊᖅᑕᐃᓕᒪᔪᓕᕆᓂᕐᒥᑦ ᓄᓇᕗᒻᒥᐅᑕᕐᓄᑦ.

ᐅᑉᐱᕆᔭᕗᑦ

Piliriqatigiinniq Partnership Model for Community Health Research

ᑲᔪᓯᓯᒪᔭᕗᑦ

ᖃᐅᔨᒋᐊᖅᑏᑦ ᐋᓐᓂᐊᖅᑕᐃᓕᒪᔪᓕᕆᓂᕐᒧᑦ ᖃᔨᐅᓴᖅᑏᑦ ᐊᑐᖅᓯᒪᓕᖅᑐᑦ ᐅᖓᑖᓄᑦ $20 ᒥᓕᐊᓂᑦ ᖃᐅᔨᓴᕐᓂᕐᒧᑦ ᐃᓕᓐᓂᐊᑎᑦᑎᓂᕐᒧᓪᓗ ᓄᓇᕗᒻᒥᐅᓂᑦ ᑕᐃᒪᓐᖓᓂ ᓴᖅᑭᓚᐅᖅᓯᒪᒻᒪᑦ 2006−ᒥ ᐃᓕᓐᓂᐊᑎᑦᑎᓂᕐᒨᖓᔪᓂᑦ ᓄᓇᕗᒻᒥᐅᑕᕐᓂᑦ ᐊᒻᒪᓗ ᑭᐅᔪᓐᓇᕐᓗᒋᑦ ᖃᐅᔨᓴᕐᓂᕐᒨᖓᔪᑦ ᓄᓇᓕᓐᓂ ᖃᔨᐅᓴᖅᑕᐅᔪᑦ. ᐅᖓᑖᓅᓗᐊᖅᑐᖅ 1000 ᓄᓇᕗᒻᒥᐅᑕᐃᑦ ᐱᖃᑕᐅᓯᒪᔪᑦ ᐊᒻᒪᓗ ᑲᔪᓯᑎᑦᑎᖃᑕᐅᓯᒪᓪᓗᑎᑦ ᐃᓕᓐᓂᐊᑎᑦᑎᓂᕐᒥᑦ, ᐆᑦᑑᑕᐅᔪᓂᑦ ᐱᓕᕆᐊᓂᑦ, ᖃᐅᔨᓴᕐᓂᕐᒨᖓᔪᓂᑦ, ᐊᒻᒪᓗ ᐃᓕᓐᓂᐊᖅᑎᓂᑦ ᐱᒋᐊᖅᑎᑦᑎᓂᕐᒥᑦ. ᐋᖅᑭᔅᓱᐃᓯᒪᔪᒍᑦ, ᐆᑦᑐᖅᓯᒪᔪᒍᑦ ᐊᑐᓕᖅᑎᑦᑎᓯᒪᓪᓗᑕᓗ ᖃᐅᔨᓴᕐᓂᕐᒧᑦ ᐱᓕᕆᐊᔅᓴᓂᑦ ᓄᑖᕐᓂᑦ ᐊᒻᒪᓗ ᐊᑐᖅᑕᐅᓯᒪᔪᓂᑦ ᑐᕌᖓᔪᓂᑦ ᐃᓐᓇᕐᓄᑦ, ᐊᖏᔪᖅᑳᕆᔭᐅᔪᓄᑦ ᕿᑐᕐᖓᓕᓐᓄ ᐊᒻᒪᓗ ᐃᓅᓱᑦᑐᓄᑦ ᓄᓇᓕᓐᓂᑦ. ᓴᖅᑮᓯᒪᔪᒍᑦ ᑕᑯᔅᓴᐅᔪᓂᑦ ᐋᓐᓂᖅᑐᓕᕆᓂᕐᒨᖓᔪᓂᑦ ᐃᓱᒪᓕᔨᐅᕈᑕᐅᓯᒪᔪᓂᑦ ᐊᑐᖅᑕᐅᓯᒪᓪᓗᑎᑦ ᓄᓇᕗᑦ ᒐᕙᒪᒃᑯᖏᓐᓄᑦ ᐊᒻᒪᓗ ᓱᓇᒃᑯᑖᕐᓂᑦ ᐊᑐᖅᑕᐅᓪᓗᑎᓪᓗ ᓄᓇᕗᑦ ᐃᓕᓐᓂᐊᕐᕕᖏᓐᓂ. ᖃᐅᔨᓴᕐᓂᕗᑦ ᓇᓗᓇᐃᒃᑯᑎᖅᓱᖅᓯᒪᔪᑦ ᐱᓕᕆᐊᑦ ᑭᒃᑯᑐᐃᓐᓇᕐᓄᑦ ᐋᓐᓂᐊᖅᑕᐃᓕᒪᔪᓕᕆᓂᕐᒧᑦ ᑲᓇᑕᒥ ᐊᒻᒪᓗ ᐃᓕᓴᕆᔭᐅᓯᒪᓪᓗᑎᑦ ᑲᓇᑕᒥ ᐋᓐᓂᐊᖅᑕᐃᓕᒪᔪᓕᕆᓂᕐᒧᑦ ᖃᐅᔨᓴᖅᑎᓂᑦ.

ᐊᑭᑦᑐᕋᐅᑎᓂᖏᑦ ᐊᒻᒪᓗ ᐃᓕᓴᕆᔭᐅᓂᖏᑦ

ᖃᐅᔨᓴᕐᕕᕗᑦ ᐃᓕᓴᕆᔭᐅᓯᒪᔪᖅ ᓯᕗᒃᑲᖅᑕᐃᓪᓗᑎᑦ ᐅᑭᐅᖅᑕᖅᑐᒥ ᖃᐅᔨᓴᕐᓂᐅᔪᓂᑦ ᑲᓇᑕᒥ ᐊᒻᒪᓗ ᓯᓚᕐᔪᐊᑉ ᐅᑭᐅᖅᑕᖅᑐᖓᓐᓂ. ᐱᓕᕆᐊᕗᑦ ᓴᖅᑭᖅᑕᐅᓯᒪᔪᑦ ᐅᖃᓕᒫᒐᖅᑎᒍᑦ ᑲᓇᑕᒥ ᓯᓚᕐᔪᐊᒥᓗ ᑲᑎᒪᓂᐅᔪᓂᑦ ᐊᒻᒪᓗ ᐱᓕᕆᖃᑎᖃᖅᓯᒪᓪᓗᑕ ᓴᖅᑮᓪᓗᑕ ᐅᖃᓕᒫᒐᕐᓂᑦ. ᑎᑎᕋᖅᓯᒪᔭᕗᑦ ᓴᖅᑭᖅᑕᐅᓯᒪᓪᓗᑎᓪᓗ ᓯᓚᑦᑐᖅᓴᕐᕕᔾᔪᐊᒥ ᐅᖃᓕᒫᒐᐅᓕᖅᑐᑎᑦ, ᐃᓕᓐᓂᐊᑎᑦᑎᒍᑕᐅᓪᓗᑎᑦ ᑭᖑᕚᕆᔭᐅᔪᓄᑦ ᑲᓇᑕᒥᐅᑕᕐᓂᑦ ᐅᑭᐅᖅᑕᖅᑐᒥᐅᑕᕐᓂᓪᓗ ᖃᐅᔨᓴᖅᑎᓂᑦ ᐊᒻᒪᓗ ᐋᓐᓂᐊᖅᑕᐃᓕᒪᔪᓕᕆᔨᒃᑯᓐᓄᑦ. ᑐᔅᓯᕋᓲᖑᔪᒍᑦ ᐊᒻᒪᓗ ᐊᑭᑦᑐᕋᐅᑎᓂᑦ ᐱᓪᓗᑕ ᑐᓂᕐᕈᑎᓂᑦ ᑲᓇᑕᒥ ᓯᕗᒃᑲᖅᑕᐃᓂᐅᓂᐊᖅᑐᓂᑦ ᖃᐅᓴᕐᓂᕐᒧᑦ ᐊᒻᒪᓗ ᓯᓚᑦᑐᖅᓴᕐᕕᔾᔪᐊᕐᒥ. ᖃᐅᔨᒋᐊᖅᑏᑦ ᐋᓐᓂᐊᖅᑕᐃᓕᒪᔪᓕᕆᓂᕐᒧᑦ ᖃᐅᔨᓴᕐᕕᒃ ᓴᓐᖏᔪᐊᓗᒃ ᑎᒥᐅᔪᖅ ᐃᓕᓴᕆᔭᐅᔪᓐᓇᖅᑐᓂᑦ ᐱᐅᑦᑎᐊᖅᑐᓂ ᐃᑲᔪᕐᓂᖃᖅᓯᒪᔪᖅ ᐃᓅᓯᖏᓐᓄᑦ ᓄᓇᕗᒻᒥᐅᑕᐃᑦ. ᑕᑯᓗᒍ  ᑕᑯᓗᒍ ᐊᕐᕌᒍᑦ ᖁᓖᑦ ᐸᕐᓇᐅᑎᕗᑦ ᖃᐅᔨᒋᐊᒃᑲᓐᓂᕈᒪᒍᕕᑦ ᓇᒧᓐᖓᐸᓪᓕᐊᒻᒪᖔᑦᑕ ᓯᕗᓂᑦᑎᓐᓂ!