ᐃᓕᖅᑯᓯᒋᕙᑦᑕᕗᑦ ᖃᐅᔨᓴᕐᓂᑎᓐᓂ

ᐱᓕᕆᖃᑎᒌᓐᓂᒃᑯᑦ ᓄᓇᓕᓐᓂ ᐋᓐᓂᐊᖃᕐᓇᙱᑦᑐᓕᕆᓂᕐᒧᑦ ᖃᐅᔨᓴᕐᓂᖅ

ᐱᓕᕆᖃᑎᖃᕐᓂᖅ ᓄᓇᓕᓐᓂ ᐋᓐᓂᐊᖃᕐᓇᖏᑦᑐᓕᕆᓂᕐᒧᑦ ᖃᐅᔨᓴᕐᓂᒥᑦ ᓴᖅᑭᖅᑕᐅᓚᐅᖅᓯᒪᔪᖅ ᖃᐅᔨᒋᐊᖅᑏᑎᓄᑦ ᐊᕐᕌᒍᒐᓴᐅᓕᖅᑐᓄᑦ. ᓴᖅᑭᖅᑕᐅᓯᒪᔪᖅ ᐱᓕᕆᖃᑎᒌᑦᑐᑎᑦ ᓄᓇᓕᓐᓂ ᓴᖅᑭᕆᐊᖃᕐᓂᖏᓐᓂ ᖃᐅᔨᓴᓂᕐᒥᑦ ᐊᒻᒪᓗ ᕿᒥᕐᕈᓗᒋᑦ ᐃᓱᒫᓘᑕᐅᔪᑦ ᓄᓇᕗᒻᒥᐅᑕᕐᓄᑦ ᓄᐊᑕᐅᓗᑎᓪᓗ, ᖃᔨᐅᓴᖅᑕᐅᓗᑎᓪᓗ ᓯᐊᕐᒪᕐᓗᒋᓪ ᑕᒪᒃᑯᐊ ᐱᓕᕆᖃᑎᒌᓐᓂᒃᑯᑦ ᓈᒪᓗᒋᓪᓗ.

ᖃᐅᔨᒋᐊᖅᑏᑦᐋᓐᓂᐊᖅᑕᐃᓕᒪᔪᓕᕆᓂᕐᒧᑦ ᖃᔨᐅᓴᖅᑏᑦ ᓴᖅᑭᔮᖅᑎᑦᑎᓗᑎᑦ ᖃᐅᔨᓴᕐᓂᒥᑦ ᓴᓇᕐᕈᑎᔅᓴᖃᕐᓗᑎᑦ ᐱᒋᐊᕈᑎᔅᓴᖏᓐᓂ − ᑭᓇᑐᐃᓐᓇᖅ ᑐᑭᓯᒻᒪᑦ ᐱᓕᕆᐊᔅᓴᓂᑦ ᐃᓗᓕᖅᑕᖏᓐᓂᓪᓗ ᑭᓱᑐᐃᓐᓇᐃᑦ, ᐊᑕᐅᓯᖅ – ᓯᕗᒧᐊᑦᑎᐊᕈᓐᓇᓂᖅᓴᐅᕗᖅ ᐱᒋᐊᖁᑎᖃᕐᓗᓂᓗ. ᐃᓕᖅᑯᓯᖃᓕᕐᓗᑎᓪᓗ ᐊᑐᓕᕐᓄᓂᒋᑦ ᒪᓕᒐᖃᕐᓗᓂ ᐋᓐᓂᐊᖅᑕᐃᓕᒪᔪᓕᕆᓂᕐᒧᑦ ᖃᐅᔨᓴᕐᓂᕐᒥᑦ ᐃᓚᖏᓐᓂ, ᐊᔾᔨᒌᓐᖏᑦᑐᓂᓪᓗ ᐱᓕᕆᖃᑎᖃᕐᓗᓂ ᓴᓐᖏᓂᖏᓐᓂ ᐊᑐᕐᓗᑎᑦ ᖃᐅᓴᕐᓂᕐᒥᑦ; ᐊᑐᐃᓐᓇᖃᕐᓂᕐᒥᑦ ᐃᓱᒪᒋᔭᐅᔪᓂᓗ ᑐᑭᓯᒋᐊᕈᓂᑎᑦ ᓄᐊᑦᑎᓗᑎᑦ, ᓯᐊᕐᒪᓕᕐᓗᒋᑦ ᐃᑲᔫᑎᔅᓴᐃᑦ ᐊᓕᖅᑎᑕᐅᓗᑎᑦ ᖃᐅᔨᓴᐅᔪᑦ.

ᐊᒥᓱᑦ ᐱᓕᕆᖃᑎᒌᓐᓂᖏᑦ ᒪᑯᐊ a) ᐃᑲᔪᕐᓂᖃᕐᓗᑎᑦ ᓴᓐᖏᓂᖏᓐᓂ ᓄᓇᕗᒻᒥᐅᓂᑦ ᐊᔾᔨᒋᓐᖏᑦᑐᓂᑦ; b) ᐊᔭᐅᖅᑐᐃᑲᓐᓂᕐᓗᑎᑦ ᑕᑯᓐᓇᖅᑕᖏᓐᓂ ᐋᓐᓂᐊᖅᑐᓕᕆᓂᕐᒥᑦ ᐃᓅᓇᓱᐊᑦᑎᐊᕐᓂᒥᓪᓗ ᖃᐅᔨᒪᓂᖏᑎᒍᑦ ᐊᑐᕐᓗᑎᑦ ᖃᓪᓗᓈᑦ ᖃᐅᔨᓴᕐᓂᖏᓐᓂ, ᐃᓄᐃᑦ ᖃᐅᔨᒪᔭᑐᖃᖏᓐᓂ ᐊᓯᖏᓐᓂᓪᓗ ᑐᑭᓯᓯᒪᔭᖏᓐᓂ ᑲᒪᒋᔭᕆᐊᓕᖏᓐᓂ ᐃᓱᒫᓘᑎᒋᔭᐅᔪᓂᑦ ᓄᓇᕗᒻᒥᐅᑕᕐᓂᑦ; c) ᐃᑲᔪᕐᓗᑎᑦ ᑐᑭᖃᑦᑎᐊᖃᖅᑐᓂᑦ ᖃᐅᔨᒪᔭᖏᓐᓂ ᓯᕗᒧᐊᑉᐸᓪᓕᐊᓕᕐᓗᑎᑦ ᖁᕕᐊᓱᓪᓗᑎᑦ, ᓄᓇᕗᒻᒥᐅᑕᐃᑦ ᓄᓇᓕᖃᑦᑎᐊᓕᕐᓗᑎᑦ.

ᐱᓕᕆᖃᑎᒌᓐᓂᖅ ᐃᓕᖅᑯᓯᐅᔪᖅ ᐊᑐᖅᑕᐅᓗᓂ ᐱᕙᓪᓕᐊᓗᑎᖅ ᐋᓐᓂᐊᖅᑕᐃᓕᒪᔪᓕᕆᓂᒫᒻᒥᑦ ᖃᐅᔨᓴᕐᓂᕐᒥᑦ ᐊᑐᓕᖅᑎᑕᐅᓗᑎᑦ ᖃᐅᔨᒪᓂᖅ ᖃᐅᔨᓴᕐᓂᕐᒧᑦ. ᑭᒡᒐᖅᑐᐃᔨᖃᐅᕐᓗᑎᑦ ᓇᑭᓐᖔᑐᐃᓐᓇᖅᑐᓂᑦ, ᐃᓕᖅᑯᓯᖏᓐᓂᓪᓗ ᐱᓕᕆᐊᕆᓂᐊᖅᑕᖏᓐᓂ “ᐋᓐᓂᐊᖅᑕᐃᓕᒪᔪᓕᕆᓂᕐᒥᑦ” ᐊᒻᒪᓗ “ᖃᐅᔨᓴᕐᓂᕐᒥᑦ” ᖃᐅᔨᒪᓂᖏᑦ ᑎᒍᒥᐊᖅᑏᓪᓗ ᐊᑐᖅᑕᐅᓕᕐᓗᑎᑦ ᐃᓅᓯᕐᒧᓪᓗ ᐊᑐᓕᖅᑎᑕᐅᓗᑎᑦ.